Siroz, insult, xərçəng... Həddindən artıq alkoqol qəbulunun bu cür xəstəliklərə səbəb olduğu bilinirdi. Ancaq Oksford Universitetinin tədqiqatçıları Çində yaşayan yarım milyon kişinin məlumatlarını təhlil edərək alkoqolun yaratdığı xəstəliklərə yenilərini əlavə etdilər.
Araşdırmada deyilir ki, əvvəllər heç vaxt alkoqol istifadəsi ilə əlaqəli olmayan xəstəliklər arasında qırıqlar, ağciyər xərçəngi və qan dövranı xəstəlikləri var idi.
Mütəxəssislər bu yeni araşdırma sayəsində, alkoqol istifadəsinin əvvəllər düşünüləndən daha geniş bir xəstəliklə əlaqəli olduğunu söylədilər.
Bəzi mütəxəssislər müəyyən miqdarda spirt içməyin heç bir zərər vermədiyini və müxtəlif araşdırmaların gündə bir stəkan şərab və ya pivənin bir çox xəstəliklərin qarşısını ala biləcəyini iddia etsələr də, Ümumdünya Səhiyyə Təşkilatı (ÜST) miqdarından asılı olmayaraq, heç bir alkoqolun güvənli olmadığını bildirir.
Oksforddan olan tədqiqatçılar tədqiqat üçün Pekin Universiteti və Çin tibb elmləri akademiyasının alimləri ilə görüşdülər. Orta hesabla 52 yaşında olan 512 mindən çox yetkinin sağlamlığı haqqında məlumatları ehtiva edən Çin məlumat bazasından məlumatlarını araşdırdılar.
Yeni xəstəliklər əlavə edildi
Kişilərin təxminən üçdə biri mütəmadi olaraq həftədə ən azı bir dəfə spirt içirdi, qadınlar arasında bu nisbət yalnız yüzdə iki idi. Daha sonra alkoqolun 207 müxtəlif xəstəliklərə yoluxma riskini necə təsir etdiyini qiymətləndirmək üçün 12 illik xəstəxana qeydlərini araşdırdılar. Tapıntılar, alkoqol istifadəsini Çində kişilərdə 60 xəstəlik riskini artırdığını göstərir.
Daha əvvəl Ümumdünya Səhiyyə Təşkilatı qaraciyər, bağırsaq və rektal xərçəng kimi xəstəliklərin alkoqolla əlaqəli 28 xəstəliklə əlaqəli olduğunu təyin etmişdi. Bununla birlikdə, gut, katarakt və mədə xorası kimi əvvəllər təsbit edilməmiş 33 xəstəliyin alkoqolla əlaqəli olduğunu aşkar etdilər.
Gündəlik içmə, həddindən artıq yemək və ya iş saatları xaricində içmək kimi bəzi içmə vərdişləri, siroz da daxil olmaqla bəzi xəstəliklərin riskini artırdı.
Tədqiqatçılar müntəzəm olaraq spirtli içki qəbul edən kişilərin yalnız ara-sıra içən kişilərlə müqayisədə xəstəxanaya yerləşdirmə və xəstəliyin inkişaf riski daha yüksək olduğunu qeyd etdilər.
Tədqiqatın müəllifi Pek Kei İm: “ Alkoqol istifadəsi bir sıra xəstəliklərlə çarpaz şəkildə bağlıdır. Çində bu xüsusiyyətlər xüsusilə kişilər arasında artmaqdadır. Bu böyük birgə tədqiqat Çində alkoqol nəzarət siyasətinin gücləndirilməsinin vacibliyini göstərir”.
Öz növbəsində araşdırmaya qatılan professor Zhengming Chen deyir ki, bu araşdırma alkoqolla əlaqəli zərərin miqyasına dair əhəmiyyətli səbəbli dəlilləri təqdim edir.
Mənbə: Sözcü
Təecümə etdi: Aysu Əsədova
