Alkotester nəfəsdəki spirt miqdarını ölçərək qandakı təxmini spirt səviyyəsini müəyyən edən cihazdır. Əsasən, yol nəzarətində, sürücülərin spirtli içki qəbul edib-etmədiyini yoxlamaq üçün istifadə olunur.
Alkotester nədir?
Cihaz spirtin nəfəs vasitəsilə xaric olunması prinsipinə əsaslanır. Üfürmə zamanı əldə edilən nəticə promillə (‰) ifadə olunur və şəxsin qanuni həddi aşdığı müəyyən edilir.
Fərqli növləri olsa da, bütün alkotesterlər eyni məqsədə, yəni spirt səviyyəsini tez və dəqiq ölçməyə xidmət edir. Elektron, kimyəvi və yanacaq hüceyrəli modellər mövcuddur və hamısı oxşar dəqiqliklə nəticə verir. Bu cihazlar yol təhlükəsizliyi və iş yerlərində yoxlamalar üçün geniş istifadə olunur. Peşəkar sürücülər üçün qanuni tələb olan alkotesterlər ictimai sağlamlığın qorunmasında da mühüm rol oynayır.
Alkotester harada istifadə olunur?
Tənəffüs aparatları təkcə nəqliyyatda deyil, müxtəlif sahələrdə təhlükəsizlik və nəzarət məqsədilə geniş istifadə olunur. Spirt səviyyəsini ölçmək funksiyası ilə bu cihaz həm ictimai, həm də özəl məkanlarda mühüm rol oynayır. Sürücülərin sərxoş olub-olmadığını müəyyən etmək üçün yol nəzarətində əvəzsizdir, lakin tətbiq sahəsi bununla məhdudlaşmır.
Alkotesterlərin ən çox istifadə olunduğu əsas yerlər bunlardır:
İş yerləri: Xüsusilə, ağır sənaye, tikinti və nəqliyyat kimi sektorlarda işçilərin əməyinin təhlükəsizliyi üçün spirt yoxlamaları aparıla bilər.
Xəstəxanalar və səhiyyə müəssisələri: Təcili yardım otaqlarında və ya müəyyən hallarda xəstənin spirtli içki qəbul edib-etmədiyini müəyyən etmək lazım ola bilər.
Təhsil müəssisələri və ya yataqxanalar: Nadir hallarda da olsa, tələbə nizam-intizamı və təhlükəsizlik məqsədləri üçün istifadə oluna bilər.
Bu cihazlar təhlükəsizlik və sağlamlığa təhlükə yaradan vəziyyətlərin qarşısını almaq üçün çox mühüm nəzarət vasitəsidir.
Alkotester necə işləyir?
Alkotesterlərin müxtəlif növləri olsa da, onların iş prinsipləri oxşar məntiqə əsaslanır. Ümumiyyətlə, alkotesterləri idarə edən üç əsas sistem var:
Kimyəvi kristal alkoqolölçən: Tərkibindəki kimyəvi maddə spirtlə təmasda olduqda rəngini dəyişir. Adətən, birdəfəlik istifadə olunur.
Yarımkeçirici sensor alkoqol ölçüsü: Elektrik müqavimətinin dəyişməsi ilə spirtin miqdarını ölçür. Daha əlverişlidir, lakin daha aşağı dəqiqlik dərəcəsinə malikdir.
Yanacaq hüceyrəli alkotester: Ən etibarlı üsuldur. Alkoqol kimyəvi reaksiya nəticəsində elektrik enerjisi istehsal edir və nəticə bu dəyəri ölçməklə əldə edilir.
Yanacaq hüceyrəsi modellərinə yüksək dəqiqlik və etibarlılıq təklif etdiyi üçün, xüsusilə, rəsmi yoxlamalarda üstünlük verilir.
Mənbə: Fikrimucit
Tərcümə etdi: Səidə Əsədli
