Elə bir simulyasiya təsəvvür edin ki, onu gerçək həyatdan ayırmaq mümkün olmasın. Bəziləri iddia edir ki, gələcəkdə texnologiyanın inkişafı ilə belə simulyasiyalar yaratmaq mümkündür. Ancaq hazırda bizim belə bir simulyasiyada yaşadığımıza dair heç bir sübut yoxdur.
Simulyasiya nəzəriyyəsinə qarşı arqumentlər
Simulyasiya nəzəriyyəsinə qarşı irəli sürülən əsas fikirlərdən biri budur ki, reallıqdan tamamilə ayırd edilə bilməyən bir simulyasiya yaratmaq texniki baxımdan qeyri-mümkün ola bilər. Hətta çox real görünən bir simulyasiya hazırlansa belə, çox güman ki, onun simulyasiya olduğunu göstərən incə fərqlər və çatışmazlıqlar olacaq. Bu fərqlər vasitəsilə simulyasiyanı aşkar etmək mümkün ola bilər.
Bəs biz "The Matrix" filmindəki kimi simulyasiya edilmiş bir reallıqda yaşayırıqmı? Bu suala konkret cavab vermək hazırda mümkün deyil. Simulyasiya nəzəriyyəsi maraqlı və düşünməyə vadar edən bir konsepsiyadır, lakin onun doğru olduğunu sübut edən heç bir elmi dəlil yoxdur. Texnologiya sürətlə inkişaf edir və ola bilər ki, gələcəkdə reallıqdan seçilməyən simulyasiyalar yaratmaq mümkün olsun. Amma hələlik, yaşadığımız dünyanın əsl mahiyyəti barədə yalnız fərziyyələr irəli sürə bilərik.
Mənbə: Medium
Tərcümə etdi: Arzu Qafarova
