Dietoloq deyir ki, sağlam olmaq istəyirsinizsə, səhər yeməyi menyunuzdan şəkərli taxıl, ağ çörək tostu və xəmir xörəklərini çıxartmalısınız.
İngiltərədəki King's College London-da qida mütəxəssisi olan professor Tim Spector vurğuladı ki, səhər yeməyindən ağ un və meyvə şirəsi və ətirli qatıq kimi şəkərli qidalarla hazırlanan qidaların xaric edilməsi yüksək işlənmiş qidaların gündəlik qəbulunu üçdə birdən çox azalda bilər.
Daily Mail-in xəbərinə görə, Professor Spector bu səhər yeməyi yeməklərinin yerinə təbii qatıq və qarışıq qoz-fındıq və ya turş xəmirli çörəyin üzərinə göbələk və ya pendirli omlet tövsiyə edir.
Görünür, səhər yeməyi piylənmə və ürək-damar xəstəlikləri ilə əlaqəli olan az işlənmiş qidaları hədəfləmək üçün ən yaxşı yeməkdir.
Səhər yeməyi çox əhəmiyyətlidir
Bu ayın əvvəlində qidalanma şirkəti Zoe üçün podkastda danışan professor Spector insanlara səhər yeməyi haqqında düşünməyi tövsiyə etdi, çünki insanların çoxu səhər yeməyini evdə yeyir, bu da işdə, restoranlarda və kafelərdə yeyilən yeməkləri əvəz etməyi asanlaşdırır.
Bununla belə, xəmir, şəkərli taxıllar, səhər yeməyi barları, şirələr və biskvit barları kimi səhər yeməyi yeməklərindən doğranmış meyvə və qoz-fındıq ilə təbii qatıq, kefir və ya ispanaq və pendirli omletə keçid böyük fərq yarada bilər.
“Həyat üçün qida: yaxşı qidalanmanın yeni elmi” adlı kitabı da olan mütəxəssis müsli və sıyıq kimi zahirən daha sağlam görünən səhər yeməyi məhsullarının da həddindən artıq yenildiyini və bunun insan sağlamlığı üçün zərərli olduğunu vurğulayıb.
Mənbə: Sözcü
Tərcümə etdi: Əli Mehdili
