Texnologiya sahəsində təcrübəli sahibkar Dennis Xu yeni bir startapla gündəmə gəlib. O, proqramçı olmasa da, şəxsi kompüter proqram təminatını kökündən dəyişmək iddiasındadır. Xu daha əvvəl OpenAİ-nin ilk sərmayə qoyduğu startaplardan biri olan süni intellekt(Sİ) əsaslı qeyd üçün olan tətbiqi Mem-in həmtəsisçisi kimi tanınıb.
Onun yeni layihəsi Adaptiv Kompüter adlanır. Bu platformanın məqsədi proqramlaşdırma biliyi olmayan istifadəçilərin sadəcə mətn sorğuları ilə tam funksiyalı tətbiqlər yarada bilməsinə imkan verməkdir. Bu, Adaptiv-in kod tələb etməyən veb-tətbiq platforması vasitəsilə həyata keçiriləcək.
Startap artıq ilk uğurunu da qeyd edib. Xu və həmtəsisçisi Mayk Soylu, Pebblebed-in rəhbərliyi ilə baş tutan 7 milyon dollarlıq ilkin sərmayə raundunu elan ediblər. Sərmayəçilər arasında Conviction, Weekend Fund, məşhur YouTuber Jake Paul-un Anti Fund-u, eləcə də Robloxun CEO-su Dave Baszucki kimi tanınmış adlar yer alır.
Adaptiv Kompüter proqram təminatına dair ənənəvi yanaşmanı dəyişdirərək, proqramlaşdırmanı hamı üçün əlçatan etməyi hədəfləyir.
Mənbə: Techcrunch
Tərcümə etdi: Zeynəb Yunuszadə
