Dünyanın müxtəlif yerlərində elə binalar var ki, ora daxil olmaq sadə vətəndaşlar üçün mümkün deyil. Bu tikililər ciddi təhlükəsizlik sistemləri ilə qorunur və hər biri xüsusi məqsəd daşıyır — bəziləri dövlət sirrlərini, bəziləri isə insanlıq üçün strateji əhəmiyyət daşıyan resursları mühafizə edir. Onların yeraltı infrastrukturundan tutmuş partlayışa davamlı divarlarına qədər hər detal düşünülmüş şəkildə hazırlanıb.
1. Fort Knox – ABŞ-nin qızıl anbarı, Kentuji
Kentukidə yerləşən Fort Knox dünyanın ən təhlükəsiz binalarından biridir və təxminən 4% dünya üzrə təmizlənmiş qızıl və bir çox tarixi xəzinələri saxlayır. Bina elektrikləşdirilmiş sədlərlə əhatə olunub və ABŞ Mint Polisinin patrul xidməti tərəfindən nəzarət olunur. ABŞ ordusu da təhlükəsizliyi artırır, çünki burada 30,000 əsgər, tanklar və hücum helikopterləri mövcuddur. İçəridə silahlı mühafizəçilər, alarmlar və video kameralar var, granitdən inşa olunmuş 4 fut qalınlığında, 750 ton polad ilə gücləndirilmiş divarlar bombaya davamlıdır. Yanğından, güllədən və partlayışdan qorunan qapılar və anbarlar mövcuddur. Əsas qapı 22 ton çəkir və partlayışa davamlı materialdan hazırlanıb, kombinasiyalar gündəlik dəyişdirilir və bir neçə işçinin ayrı-ayrı kombinasiyaları daxil etməsi tələb olunur. Digər anbarların isə 27 düym qalınlığında olduğu və atom partlayışlarına qarşı dözümlü olduğu bildirilir
2. Şayen dağı kompleksi
Şayen dağı kompleksi ABŞ Kosmik Komandası və NORAD-ın mərkəzi olaraq, fiziki təhlükəsizlik nəzərə alınaraq inşa edilib. NORAD və USNORTHCOM qərargahları Peterson Hava Qüvvələri Bazasına köçsə də, kompleks hələ də təhlükəsizdir, çünki o, dağın içərisində yerləşir. Kompleks 600 metr dərinlikdə granit altında yerləşir, partlayışlara və zəlzələlərə dözə bilən ən azı on beş üçmərtəbəli binadan ibarətdir. Böyük yaylar zəlzələ zamanı binaların dağılmasının qarşısını alır. Bütün kompleks partlayışa davamlıdır, "nüvə sığınacağı" olaraq təsnif olunur və EMP hücumlarına da davamlıdır. Partlayış ventilləri bioloji və ya nüvə hücumu zamanı havanın çirklənməməsini təmin edir. Kompleksin daxili bir çox tunellər, yan tunellər və kameralarla zəngindir, bunlar alarm, müşahidə sistemləri və silahlı heyət tərəfindən qorunur. Kompleksin ən böyük təhlükəsizlik xüsusiyyətlərindən biri isə bütün situasiyalarda işlək vəziyyətdə qalma qabiliyyətidir: Böyük bir dəstək sahəsi, bütün obyekt üçün enerji təmin edən bir elektrik stansiyası, isitmə və soyutma sistemləri, batareya bankları, əlavə enerji generatorları, dizel anbarları və xüsusi su təchizatı ilə təchiz olunub. Bu 1.5 milyon galon tutumlu su anbarı, həm personal, həm də avadanlıq üçün su təmin edir, həmçinin yanğın zamanı istifadə oluna bilər.
3. Svalbard Qlobal Sid Valt
Açıldığı 2008-ci ildən etibarən Svalbard Qlobal Sid Valt dünya üzrə digər toxum banklarının məhv olması vəziyyətində bitki toxumlarını qorumaq məqsədilə inşa edilib. Toxum anbarında daimi işçi yoxdur, lakin təhlükəsizlik sistemi avtomatlaşdırılmış, özünü təmin edən və qabaqcıl texnologiyaya əsaslanır. Anbar qlobal fəlakətlərə qarşı dözümlü olmaq üçün dağın içində 500 metr dərinliyində yerləşir və 130 metr yüksəklikdədir. Qapı və giriş kodları işçilər arasında bölünüb, daxili pozuntulara qarşı ciddi qoruma təmin edir.
Mənbə: Damasec Physical Protection Systems
Tərcümə etdi: Arzu Qafarova
