Enerjilər gün ərzində və ya ümumi həyatımızda necə hiss etdiyimizlə əlaqələndirilir və bu enerjilər əhvalımıza da təsir edir. Qadın və kişi enerjilərinin əslində görünüşümüzlə əlaqəli olması fikri qismən yanlışdır. Beləliklə, təbii ki, sizin kişi münasibətiniz və üslubunuz enerjilərinizlə bağlıdır, amma əslində bu enerjilərin tarazlığı görünüşünüz və üslubunuzdan çox əhvalınızla bağlıdır.
Qadın enerjisi bizə insani münasibətlərimizdə, ətrafımızdakı insanlarla qarşılıqlı əlaqələr, bağlar qurmağa kömək edir. Bu, şəfqət, xeyirxahlıq, empatiya, səbir hisslərimizi üzə çıxarmağa və balanslaşdırmağa kömək edir. Beynimizin sağ tərəfi görmə və eşitmə problemləri ilə məşğul olur. Qadın enerjisi daha çox beynimizin sağ tərəfinə təsir edir, bu da içimizdəki yaradıcılığı ortaya çıxarmağa kömək edir. Estetik, sənət, ehtiraslarımıza təsir edir və onların ifadəsini təmin edir. Qadın enerjiniz nə qədər yüksəkdirsə və o qədər çox ortaya çıxırsa, bu, sevgi və şəfqət kimi hisslərimizi artıracaq.
Qadın enerjisi xüsusiyyətləri
Kişilərdə və qadınlarda olan qadın enerjisi bizə və duyğularımıza rəhbərlik etməyə kömək edir.
Qadın enerjisi yüksək olan insanlar adətən yüksək intuisiyaya malikdirlər. Yüksək qadın enerjisi olan insanların hiss etdikləri çox vaxt həqiqətə çevrilir.
Bu insanlar həyatı tamamilə qəbul edirlər və çox sadə şeylər onları xoşbəxt edir. Onlar çox vaxt hər vəziyyətdə şəfqət və mərhəmətlə hərəkət edirlər.
Qadın enerjisi də insanın azadlığını ifadə edir və yüksək enerji sayəsində insanlar özlərini daha azad hiss edirlər. Bu insanlar daha bağışlayan və dözümlüdürlər.
Qadın enerjisi də qarşımızdakı insanların enerjisini dəyişə bilər. Yüksək enerji ilə özünüzə bənzəyən insanları cəlb edə, yaxşı anlaşa, rahat dostluqlar qura bilərsiniz. Qadın enerjisi də bizə xoşbəxt yaşamağa imkan verir.
Qadın enerjisi çatışmazlığının əlamətləri hansılardır?
Əgər yuxarıda qeyd etdiyimiz xüsusiyyətlərə sahib deyilsinizsə və ya çox vaxt hirsli olduğunuzu, şəfqət hissini itirdiyinizi düşünürsünüzsə, qadın enerjinizi artırmaq üçün bəzi işlər görə bilərsiniz. Əvvəla, qadın enerjinizin əskik olduğundan şübhələnirsinizsə, buna əmin olaraq başlaya bilərsiniz.
Əgər son vaxtlar əylənmək, çölə çıxmaq və insanlarla ünsiyyət qurmaqda çətinlik çəkirsinizsə, münasibətlərə baxışınız dəyişibsə, dözümlü olmadığınıza inanırsınızsa, tarazlığı qorumağa cəhd edə bilərsiniz. Və bu hissləri dəyişdirmək üçün qadın enerjinizi artırın.
Qadın enerjisini necə yüksəltmək olar?
Çox çətin olmayan, gündəlik axarınıza daxil edəcəyiniz və yalnız şüur altınızda yüksəldəcəyiniz bəzi üsullarla qadın enerjinizi yüksəltmək mümkündür. Bunu etmənin ilk yolunun özünüzü tanımaq və sevmək olduğunu qəbul etməklə başlaya bilərsiniz. Təbii ki, nəzərə alınmalı daha bir neçə məqam var.
Yaradıcılıqla məşğul olun
Yaradıcılığınıza toxunduqda qadın enerjinizlə əlaqə qurursunuz. Tutaq ki, bu, sadəcə bir rəsm çəkmək və ya heykəl hazırlamaqdan daha çox şeydir. Hətta xəyal qurmaq da yaradıcılığınızı stimullaşdırır. Cümlələr qurmaq, planlar qurmaq, məqalə yazmaq və ya işlə bağlı bir fikir irəli sürmək kimi mövzular üzərində işləyə bilərsiniz.
Yolda musiqi dinləməklə vaxt keçirirsinizsə, dinlədiyiniz mahnıların sədalarında hansısa filmləri düşünə bilərsiniz, ağlınıza hansı səhnələr gəlir kimi sadə oyunlarla belə yaradıcılığınızı ortaya qoya bilərsiniz.
Təbiət və hisslərinizlə əlaqə saxlayın
Təbiətlə inteqrasiyada olun və günəşin şüalarını dərinizdə hiss edin, həzz alın. Yaşıllığın gözəlliyini görün və təmiz havanın qoxusunu içinizə çəkin. Təbiətdə vaxt keçirmək təkcə qadın enerjisini deyil, həm də bir çox fərqli enerjini üzə çıxarmağa kömək edir, beləliklə, özünüzü daha xoşbəxt və stressdən azad hiss etməyə kömək edir.
Baxın, eşidin, iyləyin, hiss edin və hətta dadın. Bütün hisslərinizin fərqində olduğunuz anlar yaradın.
Özünüzü tanıyın
Daxili düşüncələriniz, hissləriniz və mənəviyyatınızla əlaqə saxlayın. Sən kimsən və həyat sənin üçün nə deməkdir? Bu kimi suallara dəqiq cavab ala bilməsəniz belə, bu həyatdan nə istədiyinizin və gözləntilərinizin nə olduğunun fərqində olun. Bu araşdırma üçün gündəlik tuta, terapiya ala bilərsiniz.
Başqalarından kömək istəyə bilən biri olun. Çətin anlar yaşadığınız zaman bunu etibar etdiyiniz insanlarla paylaşın və onlardan kömək istəyin. Beynimiz çətin günlərdən sonra istirahət etməlidir.
İçinizdəki kişi enerjisini də unutmayın
Hamımızın həm kişi, həm də qadın enerjisi olduğu üçün tarazlığı qorumaq da çox vacibdir. Hər şeyin öz yeri və vaxtı var. Kişi enerjiniz təkbaşına mübarizə aparmalı olduğunuz bəzi məsələlərdə sizə kömək edə bilər. Hiss etdiyiniz kimi hərəkət etmək bu duyğuları və enerjiləri tarazlamağa kömək edəcək.
Yerdə və çəmənlikdə addımlamaq təbiətlə əlaqə yaratmaq deməkdir və həqiqətən də torpağın enerjisi yığılmış mənfi enerjinizi alır və sizi rahatlaşdırır. Həftə sonları çəmənlikdə bir az gəzə bilərsiniz. Bayram günlərində qumun üzərinə uzana, qumu və suyu hiss edə bilərsiniz.
Hər cür duyğuları əhatə edin
Duyğularınızı qəbul etmək üçün əvvəlcə onları dərk etməlisiniz. Bir çox duyğuları dərk edərək və onları yaşamağa qərar verərək, həyatınıza davam edin.
Daha çox gülmək
Gülmək yaxşı hiss etdirən endorfinləri ifraz etməyin ən asan yollarından biridir. Ürəkdən gələn gülüş sizə müsbət enerji verir. Həmçinin, bu təkcə sizin deyil, xoş təbəssüm və səmimi gülüş ətrafınızdakıların enerjisini anında dəyişməyə kömək edir.
Güclü tərəflərinizi nəzərə alın
Enerjilərinizi tarazlaşdırmaq üçün onların həyatınızda və mahiyyətinizdə necə mövcud olduğunu da bilməlisiniz. Kişi və qadın enerjilərinin tarazlığı intuisiyanı, özünü əks etdirməyi, gözəlliyinizi qorumağı və özünüzü sevməyi tarazlaşdırır. Ən yaxşı etdiyiniz və ya etməkdən həqiqətən zövq aldığınız işləri tapın və onları etməyi dayandırmayın.
Qadın enerjisi meditasiyası
Bütün bu üsullar xaricində müəyyən meditasiya üsulları ilə içinizdəki kişi və qadın enerjisi tarazlığını qoruya bilərsiniz. Necə meditasiya edəcəyinizi düşünürsünüzsə, gəlin sizin üçün bu barədə qısaca danışaq.
İlk növbədə özünüz üçün bir mühit hazırlayın. Buxur, bir neçə şam yandıra, yüngül musiqi qoşa bilərsiniz.
Zəmində bir döşək üzərində rahat vəziyyətdə oturun. Əliniz göbəyinizin bir az altında ola bilər.
Sakitcə özünüzü dinləyin, emosiyaların və xatirələrin keçdiyini izləyin, onları qovmağa çalışmayın.
Fiziki görünüşünüzü, narahatlıqlarınızı bir kənara qoyun və sadəcə nəfəs alın. Nəfəs aldığınız zaman onu izləyin, aldığınız havanın hansı orqanlardan keçdiyini hiss edin.
Meditasiyanı vərdiş və rutinə çevirməklə həm stresli anlarınızı idarə edə, həm də içinizdəki enerjiləri tarazlaya bilərsiniz.
Mənbə: Saç bakım güzellik
Tərcümə etdi: Nuran Əhmədzadə
