Həzmsizlik ağrılarının digər qarın ağrılarından ən böyük fərqi ağrının yeməkdən sonra meydana gəlməsidir. Yaranan ağrı dözülməz olmasa da, kifayət qədər xoşagəlməz və narahatedici olduğundan gündəlik həyata mənfi təsir göstərir. Stress, yuxu pozğunluğu, hərəkətsizlik və düzgün qidalanmamaq həzmsizliyə səbəb ola bilər. Pəhrizinizi tənzimləyərək və həzmsizliyə yaxşı olan bitki çaylarından istifadə edərək bu problemi minimuma endirə bilərsiniz.
Nanə çayı
Nanə çayı gözəl qoxusu, dadı və sakitləşdirici təsiri ilə nəsillər boyu tanınan və içilən çaydır. İstifadəsi çox asan olan bu çayın hazırlanması insanın zövqünə görə dəyişir. Təravətləndirici təsiri ilə rahatlayan və daha təmiz nəfəs verən nanə çayını quru nanə və ya təzə nanə yarpağı ilə hazırlaya bilərsiniz. Mədə xəstəlikləri üçün istifadə edilən ən məşhur çaylardan biri olan nanə çayının bir çox faydası var. Nanə çayının əsas faydalarına həzm sisteminə fayda daxildir. Nanə çayının mümkün faydalarını:
Qıcıqlanmış bağırsaq sindromunun simptomlarını aradan qaldırır
Çəki itirməyə kömək edir
İmmunitet sistemini gücləndirir
Allergiyadan qurtulmağa kömək edir
Diqqəti artırır
Təbii ağrı kəsici kimi tanınır
Həzmsizliyi sakitləşdirir
Zəncəfil çayı:
Həm isti, həm də soyuq istifadə edilə bilən və tam bir şəfa deposu olan zəncəfil çayı, bitki çayları arasında ən çox istifadə edilənlər sırasındadır. Faydalarını saymaqla bitirəməyəcəyimiz vitamin və minerallarla zəngin olan zəncəfil çayı təzə, qurudulmuş və toz halında hazırlana bilər və hazırlanması çox asandır. Zəncəfil çayının əsas faydaları bunlardır:
İmmunitet sistemini gücləndirir
Mədə narahatlığına yaxşı gəlir
Orqanizmdə iltihabı azaldır
Həzm sistemini dəstəkləyir
Xolesterol səviyyəsini aşağı salır
Tənəffüs problemlərində kömək edir
Stressi azaldır
Təbii ağrı kəsicidir
O, həmçinin qan şəkərinin tənzimlənməsinə kömək edir
Mədə narahatlıqlarına yaxşı təsir göstərir
Şüyüd çayı:
Bildiyiniz kimi, soyuq günlərdə bir stəkan isti və sakitləşdirici bitki çayı kimi heç nə yoxdur. Xüsusilə, stəkanınızı dolduran bitki çayınız şüyüddürsə. Mövsümi bitki olan şüyüd bitkisindən demək olar ki, hər sahədə istifadə etmək olar. Yeməklərə və kosmetik məhsullara dad qatmaq üçün dərman məqsədləri üçün istifadə edilən şüyüdləri hər sahədə görmək mümkündür. Ölkəmizdə, adətən, bitki çayı şəklində istifadə edilən şüyüdün hazırlanması da çox asandır. Şüyüd çayının faydaları:
Əzələ spazmlarının qarşısını almağa və aradan qaldırmağa kömək edir
Həzm sistemini yaxşılaşdırır
Qıcıqlanmış bağırsaq sindromu problemlərini müalicə etməyə kömək edir
İshal, qaz və mədə krampları kimi müxtəlif mədə-bağırsaq problemlərinə qarşı mübarizə aparır
Tərkibindəki antioksidantlar sayəsində yaşlanma əleyhinədir
Həzmsizliyi sağaldır
Mənbə: Habertürk
Tərcümə etdi: Lalə Mənəfova
