Necə sosiallaşırsınız? Məktəbdə, ofisdə və ya sosial dairəmizdə enerji verən və ürəkləri fəth edən pozitiv insanları hamımız tanıyırıq. Onların nikbinliyinə və gülər üzlərinə hamımız heyranıq. Bu qədər pozitiv olmaq və sosial olmaq əslində xarakterlə bağlı deyil. Bu insanların gündəlik həyatlarında bəzi rəftarları, ünsiyyətdə əhəmiyyət verdikləri bəzi detallar və ya fərqli düşüncə tərzi var. Bu insanların ümumi xüsusiyyətləri onların etdikləridir. Sosial olmaq üçün çox şey etmək olar. Onları sınamaq və nəticələrini görmək sizə bağlıdır. Bəs daha çox sosial olmağın yolları hansılardır? Sosiallaşmağın yolları hansılardır?
1) Sosial bir insan olmaq üçün şəxsi məsuliyyətlərinizi üzərinizə götürün.
Həyatınızı nəzərdən keçirin. Mənim məsuliyyətim adlandırdığınız şeyə diqqət yetirin. Məsuliyyətləriniz azdırsa, daha çox məsuliyyət götürə bilərsiniz. Bu yolla ətrafınızdakı insanların yükünü azaldacaq və onlar da, siz də daha xoşbəxt fərdlər ola bilərsiniz. Həddindən artıq məsuliyyətiniz varsa, kömək istəməkdən çəkinməyin.
2) Məcbur olmadıqca əmredici ifadələrdən istifadə etməyin.
Siz mehriban insan olduğunuz zaman ətrafınızdakı insanlar da sizinlə eyni cür davranacaqlar. Bu özünüzü daha müsbət hiss etdirəcək. Bundan əlavə, insanlar sərt rəftar və sanksiyalarla bir şey etməkdən çəkinəcəkləri üçün etmək istədiyiniz işlər xəyal etdiyiniz kimi olmayacaq.
3) Həqiqəti qəbul etməli olduğunuzu anlayın.
Əvvəlcə özünüz haqqında həqiqəti qəbul etməlisiniz. Fantaziya dünyanızdan çıxın və özünüzü kəşf etməyə başlayın. Güclü və zəif tərəflərinizi müəyyənləşdirin. Bu anda amansız ola bilərsiniz. Həyatınızı təkmilləşdirməyə çox açıq olmayan çatışmazlıqlarınıza uyğun yönləndirməniz daha uyğun olacaq. Ancaq, unutmayın ki, bu təslim olmaq deyil. Özünüzə və nə edə biləcəyinizə inanırsınızsa dayanmayın, məşq edin və özünüzü təkmilləşdirdikdə nə qədər xoşbəxt olduğunuzu görün.
4) Məğlubiyyətlərlə mübarizə aparmaq üçün taktika hazırlayın.
İtirməyi öyrənməlisən. Hər uğursuzluqdan sonra yıxılmamaq və ayağa qalxmamaq üçün özünüzü motivasiya etmək üçün bir yol tapın. Motivasiyaya elmi yanaşma edin. Motivasiya elmi adlandırılan konsepsiya haqqında məlumat əldə edin .
5) Sosial olmaq nə deməkdir? Hər şeydən əvvəl bu özünü sevmək deməkdir
Sosial insan olmağın ilk qaydası özünü sevməkdir. Müsbət cəhətlərinizlə yanaşı çatışmazlıqlarınızı da bilməli, özünüzü müsbət mənada tənqid etməyi bacarmalısınız. Özünüzü sevirsinizsə etdiyiniz işdən həzz alma ehtimalınız daha yüksək olacaq. Özünüzü sevməyin səbəblərini yazmağınız yaxşı bir addım ola bilər.
6) Neqativlərin varlığını qəbul edin, real olmayan xəyallara qapılmayın.
Bəzən gözləntilərimizi çox yüksək qoyuruq. Ona görə də mənfi cəhətləri görə bilmirik. Mümkün olmayan bəzi şeylərin arxasınca getmək əvəzinə, bu vəziyyəti qəbul edib, edə biləcəyimiz işlərə diqqət yetirməliyik. Belə şeyləri imtina ilə qarışdırmayın. Motivasiya uğurun ən mühüm mənbəyidir. Ancaq özünüzü motivasiya edərkən neqativləri də nəzərdən qaçırmayın. Məyusluqlar sonradan sağalmağınıza səbəb olur. B planınız həmişə hazır olsun.
7) Necə daha sosial olmaq olar?
Daha sosial, daha çox sevilən insan olmağın başqa bir qaydası tənqidə açıq olmaqdır. Tənqid olunmaq adətən insanların sizinlə maraqlanması deməkdir. Konstruktiv tənqidi nəzərə almağınız çox vacibdir. Tənqid aldığınız zaman əsəbləşib problemlərdən qaçmaq yerinə, mövzu ilə bağlı ətraflı suallar verin. Qoy qarşıdakı insan özünü düzgün ifadə etsin.
Mənbə: ceotudent.com
Tərcümə etdi: Fidan Abdullayeva
