Samsung-un Android 15 əsaslı One UI 7 interfeysi üzərində apardığı sosial beta testlər davam edir. Yanvarın 22-də Galaxy S25 seriyası ilə rəsmi olaraq təqdim ediləcək bu yeni versiya, daha sonra Galaxy S24 daxil olmaqla köhnə modellərə də tətbiq ediləcək.
Məşhur məlumat sızdırıcısı Ice Universe-in paylaşdığı məlumata görə, Galaxy S24 seriyasında barmaq izi kilidi açma sürəti əhəmiyyətli dərəcədə artırılacaq. Ultrasonik sensor texnologiyası ilə təchiz edilmiş Galaxy S24 cihazları artıq bazarda ən sürətli kilid açma sistemlərindən birinə sahibdir. One UI 7 ilə isə bu performans daha da yaxşılaşdırılacaq.
Yeni interfeys animasiyaları daha sürətli və səmərəli hala gətirib. Bu dəyişikliklər, Galaxy S24 istifadəçilərinə daha sürətli və nəzərə çarpan bir təcrübə təqdim edəcək.
Yenilənmiş xüsusiyyətlər isə yaxın günlərdə One UI 7-nin növbəti beta versiyasında təqdim olunacaq.
Mənbə: GSMarena
Tərcümə etdi: Zeynəb Yunuszadə
