Samsung mart ayında Galaxy A55 modelini təqdim etmişdi və artıq onun yeni versiyası olan Galaxy A56 haqqında bir çox məlumat sızmağa başlayıb. Bu, cihazın buraxılışına hazırlıqların son mərhələsində olduğunu göstərir.
X sosial şəbəkəsində sızdırılan məlumata görə, Galaxy A56, Exynos 1580 çipi ilə təchiz olunacaq. Cihaz, FHD+ əksetmə qabiliyyəti və 120 Hz yeniləmə sürətinə malik AMOLED ekranla gələcək. Telefonun dizaynında alüminium çərçivə və şüşə arxa fon istifadə ediləcək.
Kameralarla bağlı məlumatlara gəldikdə isə, Galaxy A56-nın arxa hissəsində 50 MP-lik əsas kamera, 12 MP-lik ultrageniş və 5 MP-lik makro kameralar olacaq. Selfie çəkilişləri üçün isə 12 MP-lik ön kamera təqdim ediləcək. Telefon 8/12 GB RAM və 128/256 GB yaddaş variantları ilə gələcək. Batareya gücü 5,000 mAh olacaq və 45W sürətli enerji doldurma dəstəyi təklif ediləcək.
Böyük Britaniyada Galaxy A56-nın qiyməti 439 funt sterlinq olaraq açıqlanıb ki, bu da onun əvvəlki modelinin qiyməti ilə eynidir. Bu, cihazın digər bazarlarda da eyni qiymətlə təqdim ediləcəyi ehtimalını gücləndirir.
Mənbə: GSMarena
Tərcümə etdi: Zeynəb Yunuszadə
