ABŞ Senatında yeni təqdim edilən qanun layihəsi, yaradıcıların işlərinin süni zəka tərəfindən icazəsiz şəkildə təlim üçün istifadə edilib-edilmədiyini müəyyənləşdirməsini asanlaşdırmağa yönəlib.
Bu qanun layihəsi , generativ süni zəka modellərinin təlim qeydlərini tələb etməyə imkan verəcək. Layihə, müəlliflərin yalnız işlərinin istifadə olunduğunu müəyyənləşdirmək üçün kifayət qədər məlumatın açıqlanmasını tələb edir. Əgər təlim məlumatları təqdim edilməzsə, qanuni olaraq, süni zəka inkişaf etdiricisinin müəllif hüququna malik olan işi istifadə etdiyi qəbul ediləcəkdir.
Senat üzvü Piter Uelç (Peter Welch), bu qanunun məqsədinin, süni zəkanın həyatımıza inteqrasiyası ilə artan şəffaflıq tələbini qarşılamaq olduğunu bildirib. O, "Sadədir: əgər işiniz süni zəkanın təlimində istifadə edilibsə, müəllif hüququ sahibinin bunun baş verdiyini müəyyənləşdirmək üçün bir yolu olmalıdır və əgər istifadə edilibsə, müvafiq kompensasiya almalıdır," – deyə qeyd edib.
Generativ süni zəka texnologiyalarının sürətlə yayılması, sənətçilər üçün hüquqi və etik məsələlərə səbəb olub. Bir çox süni zəka inkişaf etdiricisi öz modellərinin təlim məlumatlarını açıq şəkildə yaymır, lakin Midjourney cədvəli bu il sənətçilərin narahatlıqlarını dəstəkləyərək, populyar AI sənət generatorunun təlimi üçün istifadə edilən minlərlə insanın işini sıralayıb. Müxtəlif təşkilatlar, o cümlədən Musiqiçilərin Amerikanın Federasiyası, Recording Academy kimi qurumlar və əsas musiqi etiketi şirkətləri bu qanunu dəstəklədiklərini açıqlayıb.
Mənbə: NBC NEWS
Tərcümə etdi: Xavər Məmmədli
