Öskürək, boğaz ağrısı, ürək bulanması... Xəstələnmədən əvvəl bədənimiz müəyyən simptomlar göndərir. Beləliklə, sağlamlığımızı qorumaq üçün müxtəlif tədbirlər görməyə başlayırıq. Yoluxucu xəstəliklərdə olduğu kimi müxtəlif növ xəstəliklər üçün digər simptomlar da var. Bəs bədəninizdə baş verən dəyişikliklərin xəbərçisi hansı xəstəliklərə səbəb ola bilər?
1 – Əllərin qırışması
Əllər uzun müddət suya məruz qaldıqda qırışmağa başlayır. Uzun müddət suda olmadıqdan sonra əlləriniz qırışmağa davam edərsə, bu başqa bir problemin xəbərçisi ola bilər. Məsələn: bədəndə maye itkisi səbəblərdən biridir. Eyni zamanda bu görüntü də qan dövranı xəbərdarlığı rolunu oynayır. Adətən, qan dövranı pozğunluqları ilə barmaqların ucları büzülür və mavi olur.
2 – Kəpək və saç tökülməsi
Saçların mövsümə görə dəyişməsi, ümumiyyətlə, mümkündür. Beləliklə, vaxtaşırı saç tökülməsi ilə qarşılaşa bilərsiniz. Kəpək və saç tökülməsi və mövsümi dəyişikliklər kimi problemlər eyni zamanda ortaya çıxsa, bu vitamin çatışmazlığının xəbərçisi ola bilər. Saç quruluşunun zəifləməsinə də səbəb olan problem B vitaminlərinin çatışmazlığına əsaslanır.
3 – Dildə ağ ləkələr
Sağlamlıq probleminiz olub-olmadığını müəyyənləşdirməyin ən asan yolu dilinizin rənginə yaxından baxmaqdır. Dilinizdə çəhrayı bir rəng varsa, sağlam olduğunuzu söyləyə bilərsiniz. Ancaq dilin yuxarı hissəsində ağ ləkələr görünsə, bu bədəndəki iltihabın xəbərçisi ola bilər. Eyni zamanda ağ ləkələr ağızda meydana gələn bir göbələk infeksiyasını göstərə bilər.
4 – Şişkinlik
Yeməkdən sonra hiss etdiyiniz şişkinlik hissi bədəniniz üçün heç bir problem yaratmır. Ancaq sağlam hesab etdiyimiz bir çox qidalar qida dözümsüzlüyünə səbəb ola bilər. Qida həssaslığı olaraq da bilinən dözümsüzlük də həddindən artıq şişkinliyə səbəb ola bilər. Digər tərəfdən qəbul etdiyiniz qidalara da allergiyanız ola bilər. Bütün bu səbəblərə görə düzgün həzm baş verə bilməz, buna görə mədə və bağırsaqlarda qaz yığılması şişkinliyə səbəb ola bilər.
5 – Dəridə yaranan qızarıqlıqlar
Dəridə görünən qırmızı ləkələr və onları müşayiət edən qaşınma müxtəlif dəri xəstəliklərini göstərə bilər. Beləliklə, sadə qaşınma ilə başlayan bu vəziyyət zamanla dəriyə mənfi təsir göstərən infeksiyalara səbəb ola bilər. Ləkələrin və dəridəki qızarıqlıqların başqa bir səbəbi allergiyadır.
6 – Su içmək üçün daimi istək
Bədənin nəm səviyyəsini qorumaq və sağlam həyat tərzini qorumaq üçün çox miqdarda su içmək həmişə lazımdır. Bundan əlavə, ağız quruluğu səbəbindən davamlı su içməyə ehtiyac hiss edirsinizsə, bu vəziyyət diabetin gizli bir xəbərçisi ola bilər.
7 – Güclü xoruldama
Bir çox insanlar xoruldamağın zərərli olduğunu düşünsə də, bilinənlərin əksinə olaraq xoruldama bədən üçün zərərli bir hərəkət deyil. Bununla birlikdə, bu vəziyyət keyfiyyətli yuxu və bədənin oksigenlənməsinə maneə olan yuxu apnesi ilə əlaqəli ola bilər. Yatarkən burun tıxanıqlığı və nəfəs darlığı kimi problemlərlə qarşılaşırsınızsa, bu mövzuda bir mütəxəssisdən kömək istəməlisiniz.
Mənbə: milliyet.com.tr
Tərcümə etdi: Aysu Əsədova
