Vertiqo özünüzü və ya gördüklərinizin fırlandığını hiss etdirən hissdir. Bu vəziyyət çox vaxt ürəkbulanma, qusma və tarazlığın itirilməsi ilə müşayiət oluna bilər.
Vertiqo tez-tez başgicəllənmə adlanır. Ancaq reallıqda bütün başgicəllənmələr vertiqo deyil. Başgicəllənmə hücumları insanın gündəlik fəaliyyətlərini yerinə yetirməsinə mane olacaq qədər incə və ya şiddətli ola bilər. Vertiqonun diaqnozunda görüləcək ilk şey xəstənin hiss etdiyi hissi təsvir etməsidir. Daha sonra əsas səbəbi tapmaq üçün mərkəzi sinir sistemi və daxili qulaq üzərində testlər aparılır. Beyinə qan axınının çatışmazlığından şübhələnildikdə, Doppler ultrasəs, KT angioqrafiya, maqnit rezonans angioqrafiya (MRT) və ya kateter angioqrafiya üsulları tətbiq oluna bilər. Müalicə diaqnozdan asılı olaraq planlaşdırılır. Vertigo balans pozğunluğuna və başgicəllənməyə səbəb olan bir sıra müxtəlif sağlamlıq problemləri nəticəsində baş verə bilər. Ən çox görülən səbəblərdən biri daxili qulaqla bağlı problemlərdir. Bunlara xoşxassəli mövqe paroksismal vertigo (BPPV), Meniere xəstəliyi, daxili qulaq infeksiyaları və daxili qulaqda yerləşən kristalların hərəkəti kimi şərtlər daxildir. Bundan əlavə, migren, vestibulyar nevrinit, labirintit kimi nevroloji problemlər, beyin damarlarında problemlər və ya bəzi dərmanların yan təsirləri də başgicəllənməyə səbəb ola bilər.
Mənbə: medical park
Tərcümə etdi: Aynur Mikayılova
