Qaranlıq meşə nəzəriyyəsi (ing. "Dark Forest Theory") Çin yazıçısı Liu Cixin tərəfindən "Üç bədən problemi" adlı elmi-fantastik trilogiyasında təklif edilən bir konsepsiyadır. Bu nəzəriyyə kosmosa səyahət edən sivilizasiyaların kainatdakı digər sivilizasiyalardan gizli qalmaqda strateji marağı olduğunu göstərir.
Nəzəriyyə aşağıdakı müddəalara əsaslanır:
1. Kainat – Qaranlıq meşə: İnsanlar Kainatı hər bir sivilizasiyanın ov yırtıcısı olduğu nəhəng qaranlıq meşə kimi təsəvvür edə bilərlər. Bu qaranlıq meşədə hər hansı bir siqnal və ya başqa bir sivilizasiya ilə əlaqə qurmaq cəhdinin məhvə səbəb ola biləcəyi qorxusu var. Buna görə də sivilizasiyalar görünməz qalmağa çalışır.
2. Təcavüz prezumpsiyası: Qaranlıq meşə nəzəriyyəsi hər hansı bir yadplanetli sivilizasiyanın öz yaşamı üçün digər sivilizasiyaları manipulyasiya etmək və ya məhv etməkdə marağı olduğunu güman edir.
3. Güclülərin qanunu: Bu prinsip onu göstərir ki, daha inkişaf etmiş bir sivilizasiya həmişə daha az inkişaf etmiş sivilizasiyaya qalib gələ bilər. Ona görə də sivilizasiyalar öz ömürlərini təmin etmək üçün inkişafa can atırlar.
4. Gizlilik: Sivilizasiyalar görünməz qalmaq üçün səy göstərirlər. Siqnallarını maskalayır, təmasdan qaçır və onların mövcudluğu haqqında məlumatın yayılmasını məhdudlaşdırırlar.
Bu nəzəriyyə ulduzlararası əlaqələrə maraqlı bir baxışdır və kosmosa səyahət edən sivilizasiyaların kainatın yüksək rəqabətli və potensial təhlükəli mühitində sağ qalmalarını təmin etmək üçün gizli taktikalardan istifadə edə biləcəyini təklif edir.
Qeyd edək ki, Qaranlıq meşə nəzəriyyəsi məhz fantastik konsepsiyadır və heç bir elmi təsdiqi yoxdur.
Mənbə: dzen.ru
Tərcümə etdi: Leyla Bayandurlu
