Gecələr hamı yuxu görür. Bəzilərimiz yuxuları xatırlayarkən, bəzilərimiz isə ümumiyyətlə xatırlamırıq. Yuxu mütəxəssisləri insanların yuxularının şüuraltını əks etdirdiyini sübut etməklə yanaşı, bəzi yuxularında müəyyən məna kəsb etdiyini bildirirlər.
Bütün insanların yuxu zamanı yuxu gördüyü sübut edilmişdir. Yuxularınızı xatırlayıb-xatırlamamağınız başqa məsələdir. Adətən yuxular 15-40 dəqiqə davam edir və hər şey ola bilər. Xəyal ekspertləri izah edir ki, yuxularımız insan davranışının əsas nümunələrini əks etdirir və mühüm koqnitiv və emosional məqsəd kimi xidmət edir. Tez-tez xəyallarımız və onların nə demək olduğu haqqında çoxlu suallarımız olur. Həqiqət budur ki, yuxular yalnız ağ-qara deyil və onların hər bir yuxunun nə demək olduğuna dair müxtəlif nəzəriyyələri var. Ən çox görülən 5 yuxu və onların mənaları haqqında öyrənmək üçün oxuyun.
1.Dişlərin düşməsi
Çox mənaları olsa da, çox vaxt bu yuxu görünüşünüz və ya başqalarının sizi necə qəbul etdiyi ilə bağlı narahatlıqlarınızı əks etdirir. Oyanıq həyatınıza inamınız olmaya bilər. Bununla belə, yuxu tərcüməçiləri bildirirlər ki, bu yuxular həm də həyatınızın müəyyən bir sahəsində rədd edilmək və ya utanmaq qorxusundan yarana bilər. Bəlkə də oyanıq həyatınız haqqında düşünməyin və sizi nəyin narahat etdiyini görmək vaxtıdır.
2.Yuxuda kimdənsə qaçmaq
Yuxuda kimsə sizi təqib edirsə, müəyyən etmək lazımdır ki, onları birləşdirən ümumi nə isə var. Ola bilsin ki, siz özünüzü borclu hesab edirsiniz və yaxud da onlar sadəcə sizi sevmirlər. Birinci halda sizin onlar qarşısında borcunuz həm emosional, həm də maddi sahəyə aid ola bilər. İkinci hal məktəb davaları səviyyəsində münasibətləri əks etdirir. Ola bilsin ki, həmkarlarınızdan kimsə sizə acıqlıdır və yaxud sizə paxıllıq edirlər və gizlincə sizə ölüm və vəzifədən kənarlaşmağınızı arzu edirlər. Sizi yad adamlar təqib edirsə, burada dərin məna gizlənir. Ətrafdakıların tələblərinə uyğunsuzluq hissi, özünü lazımsız hesab etmə, ailə qurmaq və ya karyerada ciddi dəyişikliklərdən əvvəl belə yuxular görmək qəbul olunmaq üçün etdiyiniz cəhdlərə işarədir.
3.Yüksək yerdən yıxılmaq
İnsanın yuxuda yıxılmağı nə qədər bizi narahat edən bir hadisə olsa da, mənası heç də həmişə narahat edici deyil. Belə ki, yuxuda yıxılmaq əslində, çətinliklərdən qurtulmağa işarədir. Əgər sağlamlıqla bağlı problem varsa, tezliklə həll olunacağına da yozulur. Borcu varsa borcunu ödəcəyi, problem yaşadığı insanları həyatından çıxaracağı kimi də yozula bilir. Yüksəkdən yıxılmaq eyni zamanda problemlerin xəbərçisi sayılır. Xüsusilə də sağlamlıq ve maddi olaraq. Bir çoxuna görə bu xəyanətin də xəbərçisidir. Yəni yuxuda yıxılmağın mənası əslində şərtidir. Bizim ruh halımıza görə dəyişir.
Yüksəkdən düşən zaman əgər yıxıldığımız yer al-əlvan, ürək açan bir yerdirsə, bu yaxşı mənaya yozular. Tam əksi olarsa, hamıdan uzaq, darıxdırıcı bir yerə yıxılmaq isə pis hadisələrin xəbərçisidir.
4.Ağlamaq
Yuxuda ağladığını görən adam qışqırmadan ağlayırsa, problemlərindən qurtulacağına yozulur. Yuxuda ağladığını, lakin göz yaşı tökmədiyini görən adamın gözlədiyi və ya ümid etdiyinə nail olmayacağı, sağ gözündən axan yaşın ağlama zamanı sol gözünə girdiyi bildirilir, qısa zamanda qohumlarına qovuşacaq.
5.Gecikmək
Bu, insanın çiyninə həddindən artıq yük götürdüyünün, çox işlədiyinin və ya yorğunluğunun göstəricisidir. Xəbərdarlıq olaraq xarakterizə edilən bu vəziyyətin mesajı, yerinə yetirilməyəcək vədlərin verilməməsidir. Yuxuda işə gecikdiyinizi görmək uğursuzluqlar və itkilər yaşayacağınıza işarədir.
Xüsusilə bu dövrdə davranışlarınıza və impulsiv hərəkətlərinizə diqqət etməlisiniz. Əslində, bu yuxu həm də xəbərdarlıq mənasını daşıyır. Yuxu görən insanın məsuliyyətsiz davranışını davam etdirməsi nəticəsində böyük itkilər yaşayacağına və davranışını düzəltməsi lazım olduğuna işarə edir. Gecikmə simvolu uğursuzluq və məyusluq əlamətidir.
Mənbə: CNN Türk
Tərcümə edən: Gülsər Qədirli
