İtirilmiş şəhərlər siyahısındakı başqa bir şəhər olan Vijayanagara Hindistanın cənubunda, indiki Karnataka əyalətində yerləşən qədim şəhərdir. Nəhəng bir imperiya olan Vijayanaqara 14-cü əsrdən 16-cı əsrə qədər mövcud olmuşdur. Vijayanaqara 1336-cı ildə Harihara I və Bukka Raya I tərəfindən təsis edilmişdir. İmperatorluğun zirvəsində 300.000-dən çox insan olduğu təxmin edilir. Şəhər demək olar ki, tamamilə qranit qayalıqlar üzərində, Krişna çayının sahilində tikilib.
Vijayanaqara Hindistanın ən mühüm ticarət mərkəzlərindən biri hesab olunurdu və Hinduizmin də ən mühüm mərkəzlərindən biri sayılırdı. Mütəxəssislər tez-tez şəhərin böyük məbədlər, saraylar, hovuzlar və divarlarla dolu olduğunu bildirirlər. Məbədlər arasında Hazara Rama, Vittala və Virupakşa xüsusi olaraq qeyd olunan ən məşhur tikililər arasındadır. Məlumdur ki, şəhər 1565-ci ildə Talikota müharibəsində müsəlmanların birləşmiş ordusu tərəfindən ələ keçirilənə qədər varlığını davam etdirmişdir.
Talikota döyüşündə Vijayanagara böyük dağıntılara məruz qaldı və demək olar ki, tamamilə məhv edildi. Şəhərin niyə belə böyük dağıntıya məruz qaldığı hələ də dəqiq məlum deyil. Bəzi tarixçilər hinduizmə qarşı müsəlman fanatizminin səbəblərini, digərləri isə ticarət müharibələri və yerli siyasi hakimiyyət mübarizələri kimi müxtəlif səbəblər irəli sürürlər.
Bu gün Vijayanagara xarabalıqları YUNESKO-nun Ümumdünya İrs Siyahısına daxil edilib və turistlər üçün məşhur turizm məkanıdır. Şəhərin xarabalıqlarına məbədlər, saraylar, şəhər divarları və sarnıçlar daxildir. Şəhərin memarlıq üslubu hələ də tarixçilər və memarlar tərəfindən öyrənilir. Bundan əlavə, bu bölgə Hindistanın tarixi və mədəniyyəti haqqında mühüm mənbə hesab olunur.
Mənbə: Ceotudent.com
Tərcümə etdi: Amin Həsənli
