Erasmus ilə Avropada bunu edə biləcəyinizi bilirsinizmi? Dünyanın ən prestijli tələbə mübadilə proqramlarından biri olan Erasmus nədir və Erasmusun şərtləri nədir budəfəki, bunları blogumuzda cavabladıq.
Erasmus nədir?
Erasmus 1980-ci illərin sonlarından mövcud olan və Avropa İttifaqı tərəfindən idarə olunan tələbə mübadiləsi proqramıdır. Proqramın adının alındığı Erasmusun kim olduğu ilə maraqlanırsınızsa, o, Hollandiyalı humanist, klassik ədəbiyyat tədqiqatçısı və ilahiyyatçısı, 1466-1536-cı illər arasında yaşamış və İntibah dövrünün ən mühüm ustadlarından biri olan Desiderius Erasmusdur.
Ümumiyyətlə, Erasmusun nə demək olduğunu və ya Avropada təhsil, təlim, gənclər və idmana dəstək proqramı olan Erasmusun nə olduğunu deyə bilərik. Tələbələr üçün xaricdə təhsil və təcrübə imkanları ilə yanaşı, Erasmus proqramına həmçinin magisturatura və doktorantura səviyyələri üçün Erasmus layihələri və fakültə işçiləri üçün Erasmus layihəsi daxildir.
1987-2007-ci illər arasında Sokrat I və Sokrat II adlandırılan proqram 2007-2013-cü illərdə Leonardo da Vinci və Erasmus Mundus kimi proqramlarla Avropa Birliyinin Ömürboyu Öyrənmə proqramına daxil edilmişdir. Erasmus+ proqramının bir hissəsi olaraq bu gün Erasmus tələbələrə xaricdə təhsil almaq və təcrübə keçmək imkanı verir.
Erasmus nə deyil?
- Erasmus təqaüd proqramı deyil, tələbə mübadiləsi fəaliyyətidir.
- Erasmus proqramı xarici dil öyrənmə proqramı deyil
- Erasmus tədqiqat proqramı deyil
- Erasmus diplom proqramı deyil
Erasmus neçə ay davam edir?
Erasmus layihəsi ilə xaricdə keçirəcəyiniz müddət çalışdığınız layihənin növündən asılı olaraq 2 gün ilə 30 gün arasında və ya 2 həftə ilə bir il arasında ola bilər. Erasmus proqramına 37 ölkədən 4000-dən çox ali təhsil müəssisəsi daxildir.
Erasmus proqramının məqsədi nədir?
Erasmus proqramının məqsədi Avropa İttifaqı ölkələrinin və namizəd ölkələrin ali təhsil müəssisələrinin əməkdaşlığını təşviq etməklə universitetlərarası təhsilin keyfiyyətinin yaxşılaşdırılmasına və inkişafına töhfə verməkdir. Eyni zamanda, ölkələr arasında mübadilələr sayəsində tələbələrə xaricdə təcrübə keçmək, müxtəlif mədəniyyətlər və həyat tərzləri ilə tanış olmaq və öyrənmək imkanı yaradılır.
Erasmus tədqiqat layihələri, akademik kurikulumların hazırlanması, təhsil və tələbələrin və müəllim heyətinin maliyyə xərclərini əhatə etməklə Avropadakı universitetlər arasında mobilliyi artırır. Bu baxımdan, Erasmusa müraciət edəcəksinizsə, Erasmusun nə olduğunu, necə edildiyini və Erasmusun şərtlərinin nə olduğunu anlamaq və araşdırmaq faydalıdır.
Erasmusa necə müraciət etmək olar?
Özünüz qoşulmaq istəyirsinizsə, çox güman ki, universitet, təlim mərkəzi, şirkət və ya təşkilat vasitəsilə müraciət etməlisiniz. Bu səbəblə əgər təhsil alırsansa, etməli olduğun ilk şey universitetin Xarici Əlaqələr üzrə Erasmus Koordinatorluq Mərkəzinə getməkdir. Müraciətinizin qiymətləndirilməsi üçün Erasmus şərtləri nədir, hansı sənədlər tələb olunur, xarici dil tələbi varmı, Erasmusa kimlər müraciət edə bilər, Erasmus yaş həddi nədir kimi sualları cavablandırdıq.
Erasmus şərtləri hansılardır?
Erasmus mübadilə proqramı ilə təhsil almaq istəyən tələbələr Erasmusa müraciət edə bilmək üçün müəyyən şərtlərə cavab verməlidirlər. Getmək istədiyi ölkə, şəhər və universiteti seçən tələbələr üçün Erasmus tələbləri aşağıdakılardır:
- Bakalavr və ya magistratura təhsilinin birinci ilini bitirmiş olmaq
- Bir tədris ilində cəmi 60 kredit götürmək
- Daha əvvəl Erasmus proqramlarından birində iştirak etməmək
- Erasmus proqramına daxil olan şöbədə təhsil
- Akademik qiymət ortalaması bakalavr pilləsində təhsil alan tələbələr üçün 4,00 baldan ən azı 2,20, Erasmus üzrə magistratura tələbələri üçün 4,00 baldan ən azı 2,50 və PhD Erasmus tələbələri üçün 4,00 baldan 3,00-dən az olmamalıdır.
- Erasmus proqramı üçün dil biliklərini qarşılamaq
- Proqrama daxil olan şöbəyə müraciət etməlidir
Erasmus ödənişləri hansı xərcləri əhatə edir?
Erasmus ilə gedəcəyiniz Erasmus universitetləri ödənişsizdir. Eyni zamanda, səyahət, yaşayış və yemək kimi yaşayış xərclərinizi ödəmək üçün ölkəyə görə dəyişən Erasmus ödənişləri ödənilir. Tələbələr Erasmus proqramı ilə təhsil aldıqları müəssisənin laboratoriyalarına və ya kitabxanalarına daxil olmaq üçün təhsil haqqı, qeydiyyat, imtahan və ya əlavə ödəniş tələb etməyəcəklər. Hər ölkə və şəhərə görə alacağınız Erasmus ödənişləri yaşayış və nəqliyyat xərclərinə görə dəyişə bilər. Bu baxımdan, Danimarka və Finlandiya kimi ölkələrdə yaşayış xərclərinin yüksək olması bu ölkələrin əvəzinə Polşa və Estoniya kimi ölkələri seçməyiniz yaxşı bilər.
Erasmus proqramı üçün xarici dil tələbi varmı?
Erasmus müraciəti tələbləri arasında dil imtahanı ən vacib tələblərdən biridir. Erasmus imtahanı nədir? Dil biliyini qarşılamaq üçün oxuduğunuz universitet tərəfindən keçirilən xarici dil imtahanıdır. 60 ilə 100 arasında imtahan balı almanızı tələb edən bu imtahandan başqa, əgər gedəcəyiniz ölkənin dili ingilis dilidirsə, universitet sizdən IELTS və ya TOEFL imtahan balı da istəyə bilər. Ümumiyyətlə, Erasmus-a qəbul olmanızı müəyyən edəcək bal akademik uğur səviyyənizin 50%-i və xarici dil imtahanının 50%-i alınmaqla təmin edilir.
Mənbə: Hotcourses.com
Tərcümə etdi: Amin Həsənli
