Amerikalı iş adamı, sənayeçi kimi tanınan Henri Ford 30 iyul 1863-cü ildə anadan olub. Fermer ailəsində anadan olan Henri Ford altı uşaqlı ailənin ən böyük uşağıdır.
Tarixə maşinist, mühəndis və sahibkar kimi damğasını vuran Henri Ford dünyanın ən mühüm sənayeçiləri arasındadır. O, konveyer üsulları ilə avtomobillərin zavod istehsalında yeni zəmin yaratmış amerikalı sənayeçidir. Montaj işləri nəticəsində Ford Motor şirkətini quran Henri Ford öz dövründə orta təbəqədən olan amerikalıların ala biləcəyi ilk avtomobili icad etdi və onu kütləvi istehsala buraxdı. Bu ixtira ilə o, 20-ci əsrin ən böyük ixtiralarından birini edərkən istehsal etdiyi Ford Model T avtomobili ilə Amerikada avtomobil sənayesində inqilab etdi. Bu təşəbbüs və ixtiraları ilə o, Ford Motor şirkətinin sahibi oldu və dünya nəhənglərinin tarixinə düşdü.
Henri Fordun ixtiraları və hekayəsi
Henry Ford, xüsusilə, texnologiya sahəsində, adını tarixə yazarkən xalq qəhrəmanı kimi də tanınır. Təşəbbüsləri nəticəsində o, bir neçə il ərzində ABŞ-nin iqtisadi və sosial həyatında daimi dəyişikliklərə səbəb olan misli görünməmiş böyüklükdə zəngin sənayenin əsasını qoydu və inkişaf etdirdi. Avtomobillərə olan marağı onu yeni araşdırmalara və ixtiralara apardı. Onun motorlu nəqliyyat vasitələri ilə ilk təması 1885-ci ildə otto mühərrikinin təmiri ilə başlayır. 1887-ci ildə o, bir düymlük silindr çuxuru olan üç düymlük dörd vuruşlu bir model hazırladı. Bu araşdırmalardan sonra o, iki silindrli mühərrik hazırlamağa başladı. 1892-ci ildə iki silindrli mühərrik və dörd at gücünə malik mühərrik hazırladı.O ilk mühərrikini iki yarım düymlük silindrli və altı düymlük vuruşla qurdu.Onun 1895-1896-cı illərdə hazırladığı bu mühərrik 1000 mil sürdü. 1896-cı ildə o, yeni avtomobil düzəltdi.
Uzun və səmərəli işinin nəticəsi olaraq, 1908-ci ildə istehsal etdiyi Model T etibarlı və sərfəli bir avtomobil oldu. Yarandığı gündən böyük maraq gördü və çox tələbat görməyə başladı. Bu model də 1913-cü ildə edilən araşdırmalar nəticəsində gəzinti kəməri sistemindən istifadə edən ilk avtomobil olaraq qeyd edildi. Ticarət uğurları sürətlə davam edərkən daha sonra Avropada, İtaliya, İngiltərə, Almaniya, Belçika kimi ölkələrdə fabriklər qurmuşdur. 1919-cu ildə səhmlərini bütün digər səhmdarlardan alıb, oğlu ilə təkbaşına şirkəti idarə etməyə başlayıb. Oğlu Edsel 1943-cü ildə vəfat edənə qədər şirkəti idarə edib, sonra Henri Ford yenidən rəhbərlik etməyə başlayıb. Beləliklə, Henry Ford inkişaf edən texnologiya və artan ehtiyac dünyası ilə işini yenidən qurdu.
Henry Ford Motor Company şirkəti
Avtomobillərə olan marağı və aldığı təhsil onu 1899-cu ildə 3 böyük investorun dəstəyi ilə "Detroit Avtomobil Şirkəti"ni yaratmağa vadar etdi. Bu şirkət aşağı keyfiyyətli bahalı işlər görməyə başlayanda Ford bu şirkəti bağladı. Daha sonra Henri Ford və "Detroit Avtomobil Şirkəti"nin bəzi investorları bir araya gələrək 1903-cü ildə Henri Ford şirkətini qurdular. Yaranmış Ford şirkəti ilk beş ildə səkkiz fərqli avtomobil istehsal etdi. İlk istehsalında 100 avtomobil istehsal edən şirkət daha sonra inkişaf etməyə və istehsalı artırmağa başladı.
Mənbə:Sabah
Tərcümə etdi:Lamiyə Cənnətzadə
