Sumqayıt şəhər Dövlət Yol Polisi məktəblərdə maarifləndirici görüşlər keçirib

Sumqayıt şəhər Dövlət Yol Polisi məktəblərdə maarifləndirici görüşlər keçirib

  Bu gün Sumqayıt şəhər Dövlət Yol Polisi şöbəsinin əməkdaşları məktəblərdə məzunlarla görüşlər keçirib.

  24media.az-ın APA-ya istinadən verdiyi məlumata görə, 11 nömrəli məktəbdə keçirilən maarifləndirici tədbir zamanı çıxış edən Sumqayıt şəhər Dövlət Yol Polisi Şöbəsinin əməkdaşı, polis baş leytenantı Elçin Qasımov məzunları təbrik edib. Bildirib ki, “Son zəng” günü məzunlar valideynlərinin və yaxın qohumlarının avtomobillərini götürərək sürməsinlər: “Bu sizin həyatınız üçün təhlükəlidir. Başa düşürük ki, bu gün sizin sevincli gününüzdür. Amma həm qanunla bu qadağandır, həm də xoş gününüz pozula bilər. Ani bir qəza sizin bu sevincli gününüzü kədərə çevirər.”
  Sumqayıt şəhər Dövlət Yol Polisi Şöbəsinin təbliğat-təşviqat üzrə inspektoru, polis baş leytenantı Fərid İldırımzadə çıxışında bildirib ki, artıq şəhərdəki bütün məktəblərin önünə yol polisi tərəfindən hazırlanmış 4 bənddən ibarət xəbərdaredici məlumatlar vurulub: “Bu həm də valideynlər üçün tövsiyədir. Övladlarının təhlükəsizliyi üçün xüsusilə “Son zəng” günü onlara nəzarət etsinlər.”