"The Washington Post" qəzeti peyk görüntülərini təhlil etdikdən sonra bildirib ki, İran Yaxın Şərqdəki ən azı 228 Amerika hərbi obyektinə hava hücumları nəticəsində zərər vurub və ya tamamilə məhv edib. Lakin ABŞ hakimiyyəti zərərin həqiqi miqyasını açıq şəkildə etiraf etməyib.
İranın bayrağı və raketləri
24media.az News.ru saytına istinadən xəbər verir ki, nəşrin məlumatına görə, anqarlar, kazarmalar, yanacaq saxlama məntəqələri, radarlar, rabitə sistemləri və hava hücumundan müdafiə avadanlıqları zərbələrə məruz qalıb. Davam edən hava hücumları təhlükəsi səbəbindən ABŞ ordusu bölgədəki bazalarını tam şəkildə işlədə bilmir.
Müsahibə verilən ekspertlər hesab ediblər ki, Pentaqon Tehranın zərbə sistemlərini hədəfə almaq qabiliyyətini lazımınca qiymətləndirməyib və müasir dronlardan müdafiə olunmağa hazır deyildi. WP araşdırması üçün İran tərəfindən yayımlanan peyk görüntülərindən istifadə edib və manipulyasiya ilə bağlı heç bir dəlil tapmayıb.
Əvvəllər media orqanları Amerika ordusunun potensial daha genişmiqyaslı münaqişəyə tamamilə hazır olmadığını və ehtiyatlarının tükənmək üzrə olduğunu bildirib. Həmçinin qeyd olunub ki, ABŞ bazaları zərbələr zamanı o qədər həssas idi ki, Amerika hərbçiləri orada fiziki olaraq ola bilmirdilər və əməliyyatları otellərdən əlaqələndirərək uzaqdan işləməyə məcbur olublar.
Əli Balayev
