Səudiyyə Ərəbistanı ABŞ-yə çağırış edir: Hörmüz boğazı və İranla danışıqlar gərginliyi artırmamalıdır.
24Media.az Report-a istinadən xəbər verir ki, Səudiyyə Ərəbistanı Hörmüz boğazının blokadası ilə bağlı qərarın geri götürülməsi və İranla diplomatik danışıqlara qayıdılması üçün ABŞ-yə təzyiq göstərir.
Məlumata görə, Ər-Riyad bu addımın bölgədə vəziyyəti daha da gərginləşdirə biləcəyindən, həmçinin əsas beynəlxalq dəniz ticarət marşrutlarında ciddi pozuntular yaradacağından narahatdır. Səudiyyə tərəfi hesab edir ki, mövcud vəziyyət nəqliyyat və enerji axınlarına birbaşa təsir göstərə bilər.
Bildirilir ki, mümkün eskalasiya halında Tehran tərəfindən Qırmızı dənizdə yerləşən Bab-əl-Məndəb boğazına təsir göstərilməsi və bunun nəticəsində qlobal ticarət üçün əlavə risklərin yaranması ehtimalı da müzakirə olunur. Bu boğaz regionda enerji ixracı üçün strateji əhəmiyyət daşıyır.
Mənbələr qeyd edir ki, bölgədə gərginliyin artması yalnız bir dəniz yolunu deyil, digər alternativ marşrutları da risk altına sala bilər və bu da qlobal bazarlarda əlavə təzyiqlərə səbəb ola bilər.
Aylin Bayraməliyeva
