Cillian Murphy, Robert Downey, Jr. Matt Damon kimi məşhur adların rol aldığı Oppenheimer filmi iyulun 20-də ekranlara gələcək. Murphy filmdə nüvə silahının yaradılmasında böyük rol oynamış nəzəri fizik J.Robert Oppenheimer rolunu canlandırıb.
Filmin mövzusu olan ilk nüvə bombasının atası Robert Oppenheimer kimdir?
C.Robert Oppenheymer 22 aprel 1904-cü ildə ABŞ-ın Nyu-York şəhərində varlı bir ailədə anadan olub və kiçik yaşlarından qeyri-adi intellektual qabiliyyətlər nümayiş etdirib.
Harvard Universitetində oxuyub və daha sonra İngiltərədəki Kembric Universitetinə daxil olub, burada Maks Born və Paul Dirak kimi mühüm fiziklərlə işləyib.
Manhattan layihəsi
Oppenheimer kvant mexanikası sahəsinə mühüm töhfələr verib. O, kosmik şüaların təbiəti, eləcə də elektronlar və pozitronlar nəzəriyyəsi üzrə tədqiqatlar aparmışdır. Onun bu sahədəki fəaliyyəti nəzəri fizikaya öz töhfələrini vermişdir.
İkinci Dünya Müharibəsi zamanı Oppenheimer ilk atom bombasını hazırlamaq məqsədi daşıyan çox gizli tədqiqat və inkişaf səyi olan Manhattan layihəsində mühüm rol oynayıb. O, Nyu-Meksikoda yerləşən Los Alamos Laboratoriyasının elmi direktoru vəzifəsinə təyin edilib və burada bombanın hazırlanmasına nəzarət edib.
Atom bombası və üçlük testi
Oppenheimerin rəhbərliyi altında Los Alamosdakı komanda ilk atom bombasını uğurla istehsal edərək sınaqdan keçirib. Kod adı Trinity olan sınaq 16 iyul 1945-ci ildə Nyu-Meksiko səhrasında aparılıb və elm və müharibə tarixində mühüm məqam olub.
Mənbə: Sözcü
Tərcümə etdi: Lalə Mənəfova
