Vladimir Putin bildirib ki, Rusiya Avropa ölkələri ilə neft və qaz tədarükü məsələsində əməkdaşlığa hazırdır, lakin bunun üçün əvvəlcə Avropa tərəfi siqnal verməlidir. O bu fikirləri Kremldə qlobal enerji bazarındakı vəziyyətə həsr olunan müşavirədə səsləndirib.
24media.az APA-nın Moskva bürosuna istinadən xəbər verir ki, Putin son bir həftə ərzində neft qiymətlərinin təxminən 30 faiz artdığını bildirib. Onun sözlərinə görə, Yaxın Şərqdə vəziyyəti qeyri-sabitləşdirmək cəhdləri qlobal yanacaq və enerji sektoruna ciddi risklər yaradır.
Rusiya prezidenti qeyd edib ki, ölkəsi etibarlı tərəfdaş olan dövlətlərə enerji tədarükünü davam etdirəcək. O həmçinin Hörmüz boğazından asılı olan neft tədarüklərinin yaxın bir ay ərzində tam dayanma ehtimalının olduğunu, hazırda isə qlobal qaz qiymətlərinin neft qiymətlərindən daha sürətlə artdığını vurğulayıb.
Arzu Qafarova
