İspaniya və Azərbaycan ikitərəfli əlaqələrin inkişafında ortaq mövqeyə malik olduqlarını nümayiş etdiriblər. Tərəflər turizm və təhsil sahəsində mövcud anlaşma memorandumları kimi sənədlərin imkanlarının genişləndirilməsi məsələsini müzakirə ediblər.
24media.az-ın məlumatına görə, bu barədə İspaniya Krallığı Deputatlar Konqresinin sədri Fransina Armenqol Sosias Milli Məclisin sədri Sahibə Qafarova ilə birgə mətbuat konfransında bildirib.
O qeyd edib ki, hər iki ölkə parlamentlərarası əlaqələrin möhkəmləndirilməsi istiqamətində birgə fəaliyyət göstərir. Eyni zamanda, tərəflər yaşıl enerjinin inkişafı sahəsində əməkdaşlıq etməyə razılıq veriblər.
Qeyd edək ki, 2025‑ci ilin yanvar–iyul aylarında Azərbaycanla Avropa İttifaqı ölkələri arasında ticarət dövriyyəsi 12,404 milyard ABŞ dolları təşkil edib, bu da əvvəlki ilin eyni dövrü ilə müqayisədə 14 % artım deməkdir; İspaniya bu əməkdaşlıqda əsas tərəfdaşlardan biridir.
Aminə Paşazadə
