Getdikcə qütbləşən dünyada insanları bir-birindən ayıran suallardan biri də budur: Səhər ilk iş, yoxsa gecə son dəfə duş almalıyıq? Yoxsa siz gündəlik duş qəbul etməyən amerikalıların 34%-i kimisiniz?
Hansı tərəfdə olmağınızdan asılı olmayaraq, seçiminizin sağlamlığınıza təsiri ilə maraqlana bilərsiniz.
Bir çoxumuz yuxudan ağarmış gözlərlə oyanırıq və səhər ilk iş duşa gedirik. Səhər duşunun tərəfdarları deyirlər ki, 10 dəqiqə isti suyun altında qalma onların oyanmasına kömək edir və onları gümrah və günə hazır hiss edir.
Gecə duşuna üstünlük verənlər vurğulayırlar ki, yatmazdan əvvəl yuyunmaq, yorğan altına girmədən və xoşbəxt yuxuya getməzdən əvvəl günün kirini təmizləyir.
Bəs elm nə deyir? Hansı bizim üçün daha sərfəlidir?
Duş qəbul etmək dərimizdən kir, tər və yağı çıxarmağa kömək edir. Bunlar ətraf mühitdən toz və polenlə birlikdə toplanır. Yatmadan əvvəl duş qəbul etməsəniz, bu yığılma çarşaflarınıza və yastıqlarınıza keçəcək.
Gecələr duş qəbul edərkən bədən istiliyi yüksəlir və aşağı düşür, bu da bəzi insanların yuxuya getməsini asanlaşdırır.
Və bu hamısı deyil. Dəriniz mikrob həyatı ilə doludur. Əgər kifayət qədər diqqətlə baxsanız, dərinin istənilən kvadrat santimetrində 10.000-dən 1.000.000-a qədər bakteriya tapa bilərsiniz. Onlar tər vəzilərimizin ifraz etdiyi yağlarla qidalanırlar. Tər özünün əslində bir qoxuya malik deyil, lakin stafilokok kimi bakteriyalar tərəfindən istehsal olunan kükürd tərkibli maddələrin qoxusu yoxdur.
Beləliklə, yatmazdan əvvəl duş almaq daha gigiyenik seçim kimi görünə bilər. Ancaq həmişə olduğu kimi, həqiqət o qədər də sadə deyil.
Leicester Universitetinin mikrobioloqu Primrose Freestone deyib: "Əgər gecə duş qəbul etsəniz, təmiz yatacaqsınız, ancaq gecələr də tərləyəcəksiniz".
Freestone-a görə, hətta soyuq havada belə insan gecə 140 qrama qədər tərləyir və 50.000 və ya daha çox dəri hüceyrəsi tökür.
Bütün bunlar ev tozu gənələri üçün bufet restoranına bənzəyir.
Dəsmallarımızı nə qədər tez-tez yumalıyıq?
"Siz dərinizdəki bakteriyaların yeyib aşağı səviyyəli bədən qoxusu yarada biləcəyi bir növ tərli mikrohabitat yaradırsınız. Beləliklə, siz gecələr duş qəbul edirsiniz və yüngül qoxu ilə oyanırsınız"- Freestone deyib.
Həmçinin, siz yataq dəstinizi mütəmadi olaraq yuyursunuzsa, gecələr duş almağın faydasını əldə edə bilərsiniz.
Bakteriyalar yorgan, çarşaf və yastıqda həftələrlə yaşaya bilər. Ev tozu gənələri kimi, göbələklər zamanla, xüsusən də yastığınız kimi ən rütubətli yerlərdə toplanır.
İmmunitet sistemi tam işləyən bir insan mikrobların bu hücumunun öhdəsindən gələ bilər, lakin ağır astması olan insanların 76%-nin ən azı bir növ göbələkə qarşı allergiyası var.
Mənbə: BBC
Tərcümə etdi: Sona Osmanova
