Günəşin işığı və istiliyi bir çox insan üçün xoş ola bilər, lakin günəşin UV şüaları dəri sağlamlığı üçün bəzi risklər daşıyır. Günəş ləkələri günəşə məruz qaldığımız zaman baş verən və əksər insanların həyatına mənfi təsir edən ümumi bir problemdir. Həmin ləkələr dəridə melanin istehsalının artması və ya yığılması nəticəsində yaranan tünd ləkələrdir. Bu ləkələr adətən üz, əllər, qollar və çiyinlər kimi günəşə ən çox məruz qalan yerlərdə görünür.
Günəş ləkəsi nədir?
Günəş ləkələri, adətən, üzdə, əllərdə, qollarda, çiyinlərdə və günəşə məruz qalan digər yerlərdə görünür. Elmi olaraq "günəş ləkələri" əvəzinə "günəşin zərəri" və ya "günəş piqmentasiyası pozğunluqları" terminləri də istifadə olunur.
Günəş ləkələri, melanin adlanan dəri piqmentasiyasını təmin edən hüceyrələr olan melanositlərin həddindən artıq istehsalı və ya yığılması nəticəsində yaranır. UV şüaları melanositləri melanin istehsalını stimullaşdırır, bu da dəridə tünd ləkələrin əmələ gəlməsinə səbəb olur.
Günəş ləkələri, adətən, qəhvəyi və ya tünd qəhvəyi rəngdədir. Bəzi insanlarda nizamsız ləkələr, digərlərində isə daha hamar xəttlər ola bilər. Həmçinin günəş ləkələri müxtəlif ölçülərdə ola bilər və zaman keçdikcə böyüyə bilər.
Günəş ləkələrinin qarşısını almaq üçün günəşdən qorunma tədbirlərinin görülməsi vacibdir. Bunlara günəşdən qaçınmaq, geniş kənarlı papaqlar və eynəklərdən istifadə etmək, qoruyucu paltar geyinmək və günəşdən qoruyucu vasitələrdən istifadə etmək daxildir. Həmçinin kremlər, lazer terapiyası, kimyəvi pilinqlər və ya dermabraziya da daxil olmaqla günəş ləkələrini yüngülləşdirmək və ya müalicə etmək üçün dermatoloqlar tərəfindən müxtəlif müalicə üsulları tövsiyə oluna bilər.
Günəş ləkəsi necə keçir?
Günəş ləkələrindən tamamilə qurtulmaq çətin olsa da, bir neçə müalicə ilə ləkələrin görünüşünü yüngülləşdirə və ya azalda bilərsiniz. Günəş ləkələrini müalicə etmək və ya yüngülləşdirmək üçün istifadə olunan bəzi üsullar bunlardır:
Günəşdən qorunma: Günəş ləkələrinin əmələ gəlməsinin qarşısını almaq və ya daha da irəliləməsinin qarşısını almaq üçün günəşdən qorunma tədbirlərinin görülməsi vacibdir. Hər gün geniş spektrli (UVA və UVB şüalarından qoruyan) günəşdən qoruyucu vasitələrdən istifadə edin və günəşə çıxarkən papaq, günəş eynəyi və qoruyucu geyim geyinin.
İşıqlandırıcı kremlər və losyonlar: İşıqlandırıcı və ya ağardıcı tərkibli bəzi kosmetik məhsullar günəş ləkələrinin görünüşünü yüngülləşdirə bilər. Bu məhsulların aktiv maddələrinə AHA (alfa hidroksid turşuları), retinol, C vitamini, kojik turşu və niasinamid kimi maddələr daxildir. Bununla belə, onun təsiri fərdi olaraq dəyişə bilər və müntəzəm istifadə tələb oluna bilər.
Kimyəvi pilinq: Kimyəvi pilinq dərinin üst qatını soyaraq günəş ləkələrini açmaq üçün istifadə edilən müalicə üsuludur. Bu prosedur zamanı bir dermatoloq və ya estetika dərinizə kimyəvi məhlul tətbiq edir. Bu məhlul dərinin üst qatını soyaraq daha gənc və daha az ləkələnmiş dərini üzə çıxarır.
Lazer terapiyası: Lazer terapiyası intensiv işıq enerjisindən istifadə edərək günəş ləkələrini hədəf alır. Lazer işığı melanin piqmentinə nüfuz edərək ləkə hüceyrələrini parçalaya bilir. Birdən çox seans tələb oluna bilər və müalicədən sonra dərinin sağalma prosesinə ehtiyacı ola bilər.
Mikrodermabraziya: Mikrodermabraziya, dərinin üst qatını yumşaq bir şəkildə sıyıraraq günəş ləkələrini yüngülləşdirmək üçün istifadə edilən bir prosedurdur. Dərinizə kiçik kristal hissəcikləri olan bir alət tətbiq olunur və sonra ləkələnmiş dəri təbəqəsi çıxarılır. Daha sonra dəri yenilənir və daha az ləkəli bir görünüş əldə edilir.
Mənbə: Sözcü
Tərcümə etdi: Namiq Atamalıyev
