LSD (Lisergic Acid Diethylamide) güclü halüsinogen maddə kimi tanınır və tez-tez "turşu" olaraq adlandırılır. İlk dəfə 1938-ci ildə isveçrəli kimyaçı Albert Hofmann tərəfindən sintez edilən LSD əvvəlcə elmi məqsədlər üçün hazırlanıb, lakin onun geniş yayılması 1960-cı illərdə onu mədəni fenomenə çevirib.
LSD mərkəzi sinir sisteminə təsir edən psixoaktiv maddədir. O, serotonin reseptorları ilə qarşılıqlı əlaqədə olur, istifadəçidə qavrayış dəyişikliklərinə səbəb olur. Vizual və eşitmə halüsinasiyalar, zaman və məkan qavrayışındakı təhriflər və emosional yellənmələr ümumi təsirlərdir. Onun təsiri ümumiyyətlə 8-12 saat davam edir.
Son nəzarət edilən tədqiqatlar göstərir ki, LSD-nin aşağı dozaları (mikrodozları) depressiya, narahatlıq və travma sonrası stress pozğunluğu (TSSB) kimi şərtlərin müalicəsində potensial faydalar təklif edə bilər. Bununla belə, bu tədqiqatlar hələ də eksperimental xarakter daşıyır və peşəkar nəzarət olmadan istifadə təhlükəli ola bilər.
Bir çox ölkələrdə LSD qeyri-qanuni bir maddə hesab olunur və onun saxlanması, satışı və ya istifadəsi ciddi cinayət cəzası daşıyır. ABŞ, Böyük Britaniya və digər Avropa ölkələrində LSD "Cədvəl I" maddəsi kimi təsnif edilir (yüksək sui-istifadə riski ilə və tibbi istifadə üçün nəzərdə tutulmur).
LSD fiziki asılılıq yaratmır, lakin onun psixoloji təsiri son dərəcə güclü ola bilər. "Pis səfərlər" kimi tanınan mənfi təcrübələr panik ataklara, paranoid düşüncələrə və hətta travmatik psixoza səbəb ola bilər. Bundan əlavə, yüksək dozalarda istifadə edilən LSD reallığın itirilməsinə səbəb ola bilər.
Mənbə : Evrim ağacı
Tərcümə etdi : Dilbər Paşazadə
