Fıstıq kiçik yaşıl qoz-fındıqlar arasında olduqca qidalandırıcı və sağlamlıq baxımından faydalı bir qidadır. Gündəlik qidalanmaya bir neçə ədəd fıstıq əlavə etməklə, sağlamlığınıza gözlənilməz müsbət təsirlər göstərə bilərsiniz.
Bir ədəd püstə təxminən 4 kalori, 0.15 qram zülal, 0.12 qram yağ və 0.2 qram karbohidrat (o cümlədən lif) ehtiva edir. Xüsusilə B6 vitamini ilə zəngin olan fıstıq, qanda şəkərin tənzimlənməsi və hemoqlobinin istehsalı üçün vacibdir. Həmçinin E vitamini ilə zəngindir ki, bu da hüceyrələri zədələnmədən qoruyan güclü antioksidantdır.
Fıstıq ürək sağlamlığı üçün də çox faydalıdır. Onlar pis xolesterini (LDL) aşağı salır, yaxşı xolesterini (HDL) artırır, sistolik qan təzyiqini azaldır və damar sağlamlığını yaxşılaşdırır. Fıstıqların tərkibində olan fitosterollar xolesterol səviyyəsini aşağı salmaqda xüsusi rol oynayır.
Enerji baxımından zəngin olsa da, fıstıq çəkiyə nəzarətə kömək edir. Onun yüksək zülal və lif tərkibi toxluq hissini artıraraq daha az yeməyə səbəb olur. Araşdırmalar göstərir ki, günorta qəlyanaltısı kimi fıstıq yemək bədən kütlə indeksində azalma ilə nəticələnir.
Fıstığın qlisemik indeksi aşağıdır, buna görə də qan şəkərində kəskin artıma səbəb olmur. Bu xüsusiyyət şəkərli diabetdən əziyyət çəkənlər və qan şəkərini sabit saxlamaq istəyənlər üçün idealdır.
Fıstığın tərkibindəki liflər prebiotik funksiyasını yerinə yetirir, faydalı bağırsaq bakteriyalarının artmasına yardım edir və həzm sisteminin sağlamlığını yaxşılaşdırır. Üstəlik, fıstıq badamdan daha çox faydalı bağırsaq bakteriyalarını artırır.
Antioksidantlarla zəngin olan fıstıqlar orqanizmdə oksidləşmə stressi və iltihabı azaldır. Onların tərkibində lutein və zeaksantin kimi unikal antioksidantlar var ki, bu maddələr göz sağlamlığı üçün vacibdir və yaşa bağlı makulyar degenerasiyadan qoruyur.
Damar sağlamlığını yaxşılaşdırmaq üçün fıstıq nitrik oksid istehsalını artırır, damarların genişlənməsini təmin edir və qan dövranını yaxşılaşdırır. Bu ürək-damar sağlamlığı üçün faydalıdır və həmçinin erektil funksiyanı dəstəkləyə bilər.
Xroniki iltihabla əlaqəli bir çox xəstəliklərin qarşısını almaqda fıstığın yüksək antioksidant tərkibi önəmli rol oynayır. Müntəzəm fıstıq istifadəsi bədəndə iltihab göstəricilərini azalda və ümumi sağlamlığı yaxşılaşdıra bilər.
Fıstığın antioksidantları həm də beyin sağlamlığını dəstəkləyir. Onlar kognitiv funksiyaları yaxşılaşdırır, yaşa bağlı zehni zəifləmənin qarşısını alır və beyinə qan axınını artırır.
Sağlamlıq faydalarından əlavə, fıstıqlar çoxşaxəlidir və müxtəlif yeməklərə əlavə edilərək həm dad, həm də tekstura baxımından zənginləşdirə bilər. Onları təkbaşına qəlyanaltı kimi, salatlara, qatığa, yulaf əzməsinə və ya şirniyyatlara əlavə etmək mümkündür.
Mənbə: Times entertainment
Tərcümə etdi: İlhamə Nurəhmədova
