Son tədqiqatlar göstərir ki, insanların yürüyüş sürəti beynin yaşlanma sürəti ilə əlaqəlidir. Yavaş gəzmək təkcə fiziki vəziyyətin deyil, həm də beyin sağlamlığının göstəricisi ola bilər.
Alimlər müəyyən ediblər ki, daha sürətli yürüyən insanların beyni daha az yaşlanır, bu isə onların yaddaş, düşünmə və digər zehni funksiyalarının daha yaxşı işləməsi deməkdir. Digər tərəfdən, yavaş gəzənlərin beyinlərində yaşlanma sürəti daha yüksəkdir ki, bu da müxtəlif neyrodegenerativ xəstəliklərin riskini artırır.
Araşdırmanın aparıcı tədqiqatçısı bildirir ki, yürüyüş sürətinin ölçülməsi beyin sağlamlığını qiymətləndirmək üçün sadə və effektiv üsul ola bilər. Bu, xüsusilə erkən yaşlarda beyin xəstəliklərinin qarşısını almaq üçün önəmli bir siqnal kimi qiymətləndirilir.
Mütəxəssislər əlavə edirlər ki, fiziki aktivlik beyin sağlamlığının qorunmasında əsas rol oynayır. Gündəlik fiziki hərəkətlər, xüsusilə sürətli və davamlı yürüş beyin yaşlanmasının qarşısını almaqda kömək edə bilər.
Bu nəticələr göstərir ki, yalnız sağlam həyat tərzi deyil, həm də sadə bir hərəkət, məsələn, gündəlik sürətli yürüş beyin sağlamlığımızı qorumaq üçün vacibdir.
Mənbə: BBC news
Tərcümə etdi: Gülçin Abdullayeva
