Elm adamları apardıqları araşdırmalarda D vitamininin sinir sisteminə tənzimləyici təsir göstərdiyini və D vitamini əlavələri ilə depressiyanın aradan qaldırıla biləcəyini aşkar ediblər.
Bəzilərimizdə müxtəlif vitaminlərdə çatışmazlıqlar var və biz bunları əlavə həblərlə kompensasiya etməyə çalışırıq. Bu vitaminlərdən bəlkə də ən çox yayılmışı immunitet sistemini gücləndirən və xərçəng və ürək xəstəlikləri, sümük xəstəlikləri, diabet və osteoporoz kimi xəstəliklərdən qoruyan D vitaminidir .
Elm adamları yeni bir araşdırmada D vitamininin başqa bir faydasını kəşf edə biləcəklərini düşünürlər. Yeni araşdırmalara görə, D vitamini depressiya prosesini asanlaşdıra bilər.
Depressiya əlamətlərini dərmanla müalicə etmək çətindir. Mövcud antidepresanların terapevtik təsiri çox vaxt depressiyanın effektiv müalicəsi üçün kifayət etmir. Buna görə də elm adamları pəhriz vərdişləri vasitəsilə depressiya əlamətlərini yüngülləşdirməyin başqa yollarını axtarmağa başlayıblar.
Alimlər araşdırmalarında D vitamininin mərkəzi sinir sisteminin funksiyalarını tənzimləyə biləcəyini aşkar ediblər . Əslində, təcrübələr D vitamini çatışmazlığı ilə depressiv simptomlar arasında əlaqəni müşahidə etdi. Bunun üzərinə apteklərdən ala biləcəyiniz kapsul şəklindəki D vitamini əlavələrinin depressiyadan qurtula biləcəyi düşünülür . Dünyanın hər yerindən 41 müxtəlif tədqiqat sualına cavab tapmağa çalışdı: "Vitamin D əlavəsi plasebo effektidirmi və ya həqiqətən sinir sistemini sakitləşdirə bilərmi?"
Təcrübənin nəticələri göstərdi ki, D vitamini əlavəsi əslində depressiyadan əziyyət çəkən insanlarda depressiya əlamətlərini yüngülləşdirir və plasebo effekti yoxdur. Sınaqda istifadə edilən D vitamininin dozalarında geniş dəyişiklik var idi, lakin tipik D vitamini əlavəsi gündə 50-100 mikroqram (2,000-4,000 IU) idi. Subyektlərin depressiv simptomları D vitamini qəbulundan sonra əhəmiyyətli dərəcədə azalmışdır.
Bununla belə, D vitamini əlavəsinin depressiyanın təsirini azaltdığı 100 % sübut olunmamışdır . Ancaq əvvəlki araşdırmalar da qidadan aldığımız D vitamininin də oxşar təsirə malik olduğunu göstərdi. Təbii ki, vitamin qəbul etsəniz belə, kənardan qəbul edəcəyiniz bütün əlavələr üçün həkimə müraciət etməyinizdə fayda var.
Mənbə: webtekno.com
Tərcümə etdi: Mina Yadigarlı
