Osaka Universitetinin tədqiqatçıları iddia ediblər ki, AP2A1 adlı zülal alt vahidi qocalmış hüceyrələrin unikal struktur təşkilində mühüm rol oynaya bilər.
Alimlər qocalmanı hüceyrə səviyyəsində geri qaytara biləcək əsas protein kəşf ediblər. Osaka Universitetinin tədqiqatçıları müəyyən ediblər ki, AP2A1 adlı zülal alt bölməsi qocalmış hüceyrələrin unikal struktur təşkilində mühüm rol oynaya bilər. Qeyd edilmişdir ki, AP2A1-in basqı altına alınması hüceyrələrdə qocalmanı geri qaytarır, onun artması isə qocalmanı sürətləndirir.
Tədqiqatın aparıcı müəllifi Pirawan Chantachotikul, "Biz qocalmış hüceyrələrin böyük ölçülərini necə saxladıqlarını başa düşmürük" dedi. Maraqlı bir ipucu odur ki, stres lifləri qocalmış hüceyrələrdə gənc hüceyrələrə nisbətən daha qalındır. "Bu, bu liflərdəki zülalların hüceyrələrin böyük ölçüsünü dəstəkləməyə kömək etdiyini göstərir."
Bu ehtimalı araşdırmaq üçün tədqiqatçılar AP2A1-i (Adaptor Protein Kompleksi 2, Alpha 1 Alt Birimi) araşdırdılar. AP2A1 qocalmış hüceyrələrin, xüsusilə fibroblastlar və epitel hüceyrələrinin stres liflərində artan səviyyələrdə olan bir proteindir. Elm adamları köhnə hüceyrələrdə AP2A1 ifadəsini yox edərək və gənc hüceyrələrdə həddindən artıq ifadə edərək qocalmaya bənzər davranışları tədqiq ediblər.
"Nəticələr çox maraqlı idi" dedi müəllif Shinji Deguchi. "Köhnə hüceyrələrdə AP2A1-in təzyiq altına alınması qocalmanı geri qaytardı və hüceyrə regenerasiyasını təşviq etdi, gənc hüceyrələrdə AP2A1 həddindən artıq ifadəsi isə qocalmanı sürətləndirdi" dedi.
Tədqiqatçılar həmçinin aşkar ediblər ki, AP2A1 integrin β1, hüceyrələrin ətrafdakı kollagen matrisinə yapışmasına kömək edən bir zülal ilə sıx əlaqə saxlayır və hər iki zülal hüceyrə daxilində stress lifləri boyunca hərəkət edir. İntegrin β1 fibroblastlarda hüceyrə-substrat yapışmalarını gücləndirir ki, bu da qocalmış hüceyrələrin qalınlaşmış və ya yüksəlmiş strukturlarını izah edə bilər.
Tədqiqat qrupu həmçinin bu işin yaşlanma ilə əlaqəli xəstəliklər üçün yeni bir müalicə hədəfi təmin edə biləcəyini söylədi. (DHA)
Mənbə: evrensel.net
Tərcümə etdi: Sona Osmanova
