Sinir sistemindən, qan hüceyrələrinin meydana gəlməsindən ürək sağlamlığına qədər bir çox həyati funksiyada rol oynayan B12 vitamini sağlam həyatın əvəzolunmaz təməl hissələrindən biridir və onun çatışmazlığı ciddi sağlamlıq problemlərinə səbəb ola bilər. Daxili Xəstəliklər Mütəxəssisi Dr. Betül Mercan Çiftçi B12 çatışmazlığının simptomları, diaqnozu və müalicə üsulları haqqında vacib məlumatlar paylaşıb.
B12 vitamin çatışmazlığı zamanı dəridə uyuşma, halsızlıq, yorğunluq və solğunluq kimi şikayətlər yarana bilər.
Anemiya və ürək xəstəliklərinə səbəb ola bilər
Onun əskikliyinin bir çox xəstəliyə yol açdığını söyləyən Dr. Betül Mercan Çiftçi, B12 çatışmazlığının xüsusilə sinir sistemini zədələdiyini bildirib. Bu həmçinin artan homosistein səbəbiylə anemiya və ürək xəstəlikləri kimi problemlərə də səbəb ola bilər.
Bundan əlavə, B12 həddindən artıq lazımsız istifadəsi də müxtəlif xəstəliklərə səbəb ola bilər. Bunlar əsas qaraciyər xəstəliyi, siroz və ya leykemiya kimi ciddi xəstəliklərin əlaməti ola bilər.
B12 əlavəsi tələb olunur?
B12-nin təbii olaraq heyvan mənşəli məhsullarda olduğunu vurğulayan Dr. Betül Mercan Çiftçi, “Qırmızı ət, ağ ət, qızılbalıq, süd məhsulları və yumurta kimi qidalar B12 ilə zəngindir,” - deyə bildirib.
B12 vitamini bitki mənşəli olmadığı üçün vegeterianlarda çatışmazlıq riski daha yüksəkdir. Buna görə də, vegeterianlar B12 əlavələri qəbul etməli və ya bu vitaminlə zənginləşdirilmiş qidalar qəbul etməlidirlər.
Dr. Betül Mercan Çiftçi, B12 vitamini müalicəsinə analiz edilmədən başlanmamalı olduğunu bildirərək qeyd edib ki, yüngül çatışmazlıqlar yalnız qidalanma tənzimlənməsi ilə aradan qaldırıla bilər, orta dərəcədə çatışmazlıqlar isə əsasən ağızdan qəbul edilən dərmanlarla müalicə olunur.
Ağır B12 çatışmazlığı hallarında infeksiya müalicəsi tələb oluna bilər. Bununla belə, müalicə planı hər bir xəstənin fərdi vəziyyətinə uyğun olaraq həkim tərəfindən müəyyən edilməlidir. Xüsusilə aşağı B12 səviyyəsindən qaynaqlanan şikayətlərdə ilk addım, testlər vasitəsilə dəqiq diaqnoz qoymaqdır.
Xəstələr B12 səviyyəsi ilə bağlı hər hansı şikayətləri olduqda mütləq həkimə müraciət etməlidirlər. Erkən diaqnoz sinir sistemi və ümumi sağlamlıq üçün çox vacibdir.
Mənbə: Hüriyyet
Tərcümə etdi: Dilbər Paşazadə
