İnternet Filmlər Bazası dünyanın bütün ölkələrindən və bütün dövrlərindən televiziya filmləri, kino ulduzları və serialları haqqında məlumatlar olan onlayn məlumat bazasıdır. Bu, 1990-cı ildə britaniyalı kompüter proqramçısı və kino həvəskarı Col Needhamın Usenet-də gözəl gözləri olan aktyorların yer aldığı "O Gözlər" adlı yazı dərc etməsi ilə ortaya çıxdı və bu sahədə 1-ci olmağı çox çəkmədi.
IMDb-nin yaradıcısı Col Nedhaam 2016-cı ildə verdiyi müsahibədə 10000 film izlədiyini söylədi.
1) Eyes Wide Shut - Gözləri tamamilə qapalı (1999)
IMDb: 7.4
Psixoanalitik Artur Şnitslerin romanından uyğunlaşdırılan filmdə əsas diqqət psixoanalizdir. Həkim Bill Harford (Tom Kruz) həyat yoldaşının ( Nikol Kidman ) cinsi istəklərini öyrəndikdə həyatında şübhələr, qorxularla dolu yeni bir səhifə açılır. Film 2 saat 45 dəqiqə uzunluğunda olsa da, rejissorun (Stenli Kubrick) məharətli kompozisiyası sayəsində tamaşaçını evliliyi, sədaqəti, sentoloqların həyatını sorğulamasına səbəb olur.
2) Bringing up baby - Təhlükəli körpə (1938)
IMDb: 8
3) Touch of evil – Sonsuz Bal ayı (1958)
IMDb: 8.1
Amerikalı polis müfəttişi Ramon Migel Varqas və həyat yoldaşı Syuzan bal ayını keçirmək üçün Meksika ilə sərhəd şəhərlərindən birinə yollanır. Lakin, şəhərə çatan kimi altına qoyulmuş bombanın partlaması nəticəsində maşın partladılır və Varqas bal ayında belə bəladan qurtulmayacağını anlayır. Hadisəni araşdırmaq üçün yerli təhlükəsizlik qüvvələri ilə əlaqə saxlayan Varqas kino tarixinin ən vicdansız polislərindən birini, Hank Quinlan tapır. Varqas qətli araşdırarkən Quinlanın saxta sübutlara əl atdığını və özünün də bu işdə əli olduğunu öyrənir və həll yolu kimi Quinlanı cinayət başında tutmağa qərar verir. Açılış ardıcıllığı ilə kino tarixinə düşən film qısa zamanda bir kulta çevrildi və film janrının şah əsərlərindən birinə çevrildi.
4) Vertigo - Ölüm qorxusu (1958)
IMDb: 8.3
1954-cü ildə fransız yazıçıları Pierre Boileau və Thomas Narcejac tərəfindən yazılmış "D'entre les morts" romanından uyğunlaşdırılan filmin rejissoru Alfred Hitchcock, baş rollarda James Stewart, Kim Novak və Barbara Bel Geddes idi. Vertiqo 1989-cu ildə Konqres Kitabxanası tərəfindən “mədəni, tarixi və estetik baxımdan əhəmiyyətli” filmlərdən biri olaraq seçilmiş və ABŞ Milli Film Reyestrində saxlanmağa qərar verilmişdir.
5) North by Northwest - Gizli Təşkilat (1959)
IMDb: 8.3
Gizli Təşkilat 1959-cu ildə çəkilmiş Amerikan filmidir. Alfred Hitchcock-un rejissoru olduğu filmdə baş rolları Keri Qrant və Eva Mari Sent oynayıb. North by Northwest filmi 1995-ci ildə Konqres Kitabxanası tərəfindən “mədəni, tarixi və estetik baxımdan əhəmiyyətli” filmlərdən biri kimi seçilmiş və ABŞ Milli Film Reyestrində saxlanmağa qərar verilmişdir.
6) Double Indemnity – İkiqat təzminat (1944)
IMDb: 8.3
Double Indemnity, ağıllı ssenarisi və uğurlu montajı ilə diqqət çəkən Billy Wilder tərəfindən çəkilmiş bir filmdir. İnsanın pula olan hərisliyinin ölçülərinə əsaslanan film sığortaçı Neffin adi avtomobil sığortası səfəri zamanı təhlükəli qadın Phyllis ilə görüşdükdən sonra düşdüyü çətin vəziyyəti araşdırır. Ərini öldürmək üçün planlar quran Phyliss, sığorta pulunu bölmək təklifi ilə Neffi planına daxil etməyə çalışır. Əvvəlcə qəbul etməsə də qadının və pulun cazibədarlığına cəlb olunan sığortaçı planı qəbul edir, lakin hər plan gözlənilməz yanlışlıqlara məhkumdur.
7) Aliens (1986)
IMDb: 8.4
Nostromodan sağ çıxan yeganə leytenant Ellen Ripli yarım əsrlik dərin yuxudan oyanaraq dünyaya gətirilir. Bu arada o, canlıları tapdıqları planetin sonradan müstəmləkə olunduğunu və insanların yaşadığını öyrənir. Sözügedən koloniyadan bir müddətdir ki, xəbər yoxdur və Ripley canlıları məhv etmək, sağ qalanları xilas etmək üçün ekspert komandolar ilə gedir. Rejissor Ceyms Kemeronun filmi ən çox baxılan fantastika filmlərindən biridir.
8) Seven (1995)
IMDb: 8.6
Seven, Endryu Kevin Uokerin ssenarisi əsasında çəkilmiş Hollivud filmidir. Xristianlığın 7 ölümcül günahını törədənləri öz qəddar üsulları ilə qətlə yetirən serial qatil və ondan sonrakı iki polis detektivinin səyləri haqqındadır. 1995-ci ildə çəkilən filmin rejissoru David Fincher, baş rollarda Bred Pitt, Morgan Freeman və Gwyneth Paltrow idi.
9) Inception - Başlanğıc (2010)
IMDb: 8.8
Dom Cobb (Leonardo DiCaprio) çox bacarıqlı oğrudur. Onun ixtisası şüuraltının dərinliklərindən qiymətli sirləri çıxarmaq və oğurlamaqdır. Cobbun nadir çevikliyi onu korporativ casusluğun təhlükəli yeni dünyasında axtarılan oyunçuya çevirdi. Ancaq, bu həm də onu beynəlxalq bir qaçaq etdi və sevdiyi hər şeyi itirməsinə səbəb oldu. Cobba vəziyyətdən çıxmaq imkanı təqdim olunur. Ona həyatını qaytara biləcək son iş: təbii ki, imkansız başlanğıcı tamamlaya bilsə...
10) Pulp Fiction – Ucuz roman (1994)
IMDb: 8.9
Pulp Fiction — 1994-cü ildə rejissor Quentin Tarantinonun çəkdiyi və Rocer Avari ilə birgə yazdığı dini filmdir. “Pulp Fiction” filmi “Ən yaxşı film” də daxil olmaqla 7 “Oskar” nominasiyasında namizəd olub və “Ən yaxşı orijinal ssenari” nominasiyasında Oskar mükafatını qazanıb. O həmçinin 1994-cü ildə Kann Film Festivalında ən yaxşı film mükafatı olan Palma budağının da sahibidir. IMDB-nin bütün zamanların ən yaxşı filmləri siyahısında 1,2 milyon səsdən sonra 8,9 balla 7-ci yerdədir.
Mənbə: ceotudent.com
Tərcümə etdi: Fidan Abdullayeva
