Tərləmə problemlərinə son

İnsanların həm şəxsi, həm də sosial həyatına təsir edən həddindən artıq tərləmə probleminə qısa zamanda müdaxilə edilə biləcəyini bildirən Dr. Şillan Naycı  tərləmə və müalicə üsulları haqqında məlumat verib.

Yalnız yayda deyil, qışda da müşahidə oluna bilən bədən nahiyəsinin tərləməsi bir çox insanın geyim seçimlərinə və buna uyğun olaraq sosial həyatına mənfi təsir göstərir. İnsanların həyat keyfiyyətini aşağı salan tərləmə əməliyyatsız üsullarla minimum risklə müalicə edilə bilər.  Xüsusilə yay istilərinin başlamadığı yaz aylarında tətbiq edilən üsullarla insanlar həm ictimai, həm də şəxsi həyatlarında pozitiv ola bilərlər. Üstəlik müalicələr minimum risklə 15 dəqiqə ərzində həyata keçirilə bilər. Medicana Sağlamlıq Qrupunun Dermatologiya şöbəsindən Dr.  Şillan Naycı bölgə p və müalicə üsulları haqqında məlumat verib.

Yayın istisində, psixoloji təzyiq altında, stressin şiddətli olduğu vaxtlarda qapalı məkanda tərləmənin normal olduğunu bildirən Medicana International İstanbul Xəstəxanası Dermatologiya şöbəsindən Dr.  Şillan Naycı “Ancaq bəzi insanlarda səbəbi bilinməyən tərləmə də ola bilər. Bütün bu hallar hətta insanlarda özünə inam problemlərinə səbəb ola bilər. Bəzi hallarda sınanmış bəzi üsullar faydalı olmaya bilər.  Bütün həll yolları sınanmışsa, həddindən artıq tərləmə problemi qısa müddətdə müalicə edilə bilər.

Ən çox əllərə, ayaqlara və qol altlarina tətbiq olunur.

Qeyri-cərrahi üsullarla bir çox müalicənin olduğunu bildirən Dr.  Fakültə Üzvü Şillan Naycı belə davam etdi: “İstənilməyən həddindən artıq tərləmə asanlıqla müalicə oluna bilən bir problemdir.  Əməliyyatsız tətbiq edilən ən təsirli və asan müalicə üsulu botoks tətbiqidir.  Tətbiq edilən 'Botulinum Toxin' ilə sinir uclarında sinir keçiriciliyinin dayandırılması məqsəd qoyulur.  Bu sayədə tər vəziləri stimullaşdırılmır və tərləmənin qarşısı alınır. Əl, ayaq və qoltuqaltı kimi tərləmə bölgələrində tez-tez tətbiq olunan qırış botoksundan fərqli olaraq, tərləmə botoksu əzələdaxili deyil, dəri altına tətbiq edilir.

Ağrısız  yollarla tərdən qurtula bilərsiniz

Şillan Naycı, tərləmə botoksunun ağrılı olub-olmadığı sualına belə cavab verdi: “İynə ilə tətbiq olunduğu üçün bəzi xəstə qrupları ağrı sualını verir. Bununla belə, prosedur ağrısız bir prosedurdur. Çünki ilk növbədə müalicə olunacaq sahə müəyyən edilir və prosedurdan 20 dəqiqə əvvəl yerli anestezik krem çəkilir.  Adekvat uyuşma əldə edildikdən sonra müalicə ediləcək sahə antiseptik məhlul ilə təmizlənir. Tətbiq sahəsində, vurulacaq nöqtələr təxminən 1 sm aralıqlarla marker qələmlə təyin olunur.  Hazırlanmış botulinum toksini kiçik injektorlarla dəri altına yeridilir. Proses 15 dəqiqədən az vaxt aparır”, - deyə o bildirib.

Təsiri insandan insana dəyişir.

Prosedur müddətinin insandan insana dəyişdiyini qeyd edən Naycı, “Ancaq 6 ay müddətində tərləmə problemi aradan qalxır. Ancaq bəzi insanlarda prosedurun təsirinin 1 ilə qədər davam edə biləcəyini görmək olar. Səhiyyə Nazirliyinin icazəsi ilə istifadə edilən və müxtəlif testlərdən keçən bəzi Botulinum Toksin növləri etibarlı şəkildə tətbiq edilir. Enjeksiyon proseduru olduğu üçün inyeksiya yerlərində tamamilə müvəqqəti qızartı və göyərmələr yarana bilər.  Amma bu təsirlər qısa müddətdə keçir. Prosedur günü ərazi su ilə təmasda olmamalıdır və həkim tərəfindən müəyyən edilmiş gigiyena qaydaları tətbiq edilməlidir. Bundan əlavə, müalicə olunan ərazidə hər hansı bir kosmetik məhsul istifadə edilməməlidir. Məsələn, həmin yer qoltuqaltıdırsa, sabun və suya toxunulmamalı, dezodorant və ya ətir kimi məhsullardan qaçınılmalıdır.  

Prosedurun sonunda xəstələr asanlıqla evlərinə və ya işlərinə qayıda bilərlər. Tərləmə botoksu effektivliyi və tətbiqi asanlığı ilə tez-tez seçilən müalicə üsuludur.  Xüsusilə yaz aylarında tətbiq olunacaq botoks ilə yayın istisi özünü göstərmədən həyat keyfiyyətini artırmaq mümkündür.

Mənbə: Haber global

Tərcümə etdi: Lalə Mənəfova