Gaitonde ağıl və işığın ən gözəl mənzərələrini yaradan mücərrəd bir rəssam kimi tanınır. 1964-cü ildə Rokfeller təqaüdünü qazandıqdan sonra Nyu Yorka köçən Gaitonde, burada amerikalı müasir rəssamlarla görüşərək öz üslubunu inkişaf etdirib. 1971-ci ildə isə Hindistanın dördüncü ən yüksək mülki mükafatı olan Padma Şrini alıb.
Buna baxmayaraq, artan şöhrəti ilə Gaitonde daha çox özünə qapanmağa başlayıb. Onun şagirdi Laksman Şreşta, MF Hüseynin tez-tez onu ziyarət etməyə çalışdığını, lakin Gaitondenin heç kimlə görüşmək istəmədiyini bildirir.
1984-cü ildə aldığı onurğa zədəsindən sonra Gaitondenin rəsm əsərləri də azalmağa başlayıb. Enerjisi məhdud olduğundan, əsərləri yalnız ağlında çəkməyə davam edib. Bu, onun rəsmlərinə cazibə və sirr qataraq onların daha da nadir və dəyərli olmasına səbəb olub.
Gaitonde 2001-ci ildə vəfat etsə də, onun düşündürücü rəsmləri hələ də dünya incəsənət aləmində təsirini göstərir. Müasir İncəsənət Muzeyinin kuratoru Cara Manes, onun əsərlərinin sükutun təcəssümü olduğunu və rənglərin səssiz parıltısını əks etdirdiyini söyləyib.
Gaitonde üçün sənət, özünü ifadə etməyin ən dərin forması olaraq qalıb və rənglərin sərbəst axışına imkan verməkdən ibarət idi.
Mənbə: BBC News
Tərcümə etdi: Leila Musaevi
