Atatürk Evi Muzeyi Seyhan mahalı, Kayalıbağ məhəlləsində yerləşir və 19-cu əsrdə inşa edilən Ənənəvi Adana Evlərinin ən yaxşı nümunələrindən biri hesab olunur. Köşk taxta hörgü üslubunda iki mərtəbəli hörgü tikilidir. Osmanlı memarlığının xüsusiyyətlərini əks etdirən bina Adana Mədəni İrsin Qorunması Regional Müdirliyi tərəfindən daşınmaz mədəniyyət sərvəti kimi qeydiyyata alınıb.
Mustafa Kamal Atatürk ilk dəfə 31 oktyabr 1918-ci ildə İldırım Orduları Qrup Komandanlığının alman generalı Liman Von Sandresdən təhvil almaq üçün Adanaya gəldi və burada olduğu müddətdə onun beynində milli mübarizə ideyasının intellektual əsasları formalaşdı. Adananı dəfələrlə ziyarət edən Atatürkün səfərləri zamanı qaldığı yerlərdən biri də Sufi Paşa malikanəsidir.
Ulu Öndər Mustafa Kamal Atatürk və həyat yoldaşı Lətifə xanım 1923-cü il martın 15-də Adanaya gəldikləri zaman Adananın görkəmli ailələrindən Ramazanoğulları Sufi Paşaya məxsus malikanədə qalırlar.
Sahibləri tərəfindən tərk edilmiş və bir müddət boş qalmış malikanə sonrakı illərdə müxtəlif dövlət qurum və təşkilatları tərəfindən istifadə edilmişdir. Dövrün 6-cı Korpus Komandiri General-leytenant cənab Bedrettin Demirel tərəfindən Atatürk Muzeyi İnşaat və Yaşayış Dərnəyinin rəhbərliyi ilə Adana xalqının töhfələri ilə təmir edilmiş və Atatürk Elm və Mədəniyyəti olaraq milliləşdirilərək təşkil edilmişdir. 1976-cı ilin avqustunda muzey müdirliyinə bağlı bölmə kimi istifadəyə verilmişdir. Muzey 1998-ci il iyunun 27-də baş vermiş zəlzələdə zədələnmiş və bərpa üçün bağlanmışdır. Bərpa işləri başa çatdıqdan sonra 15 mart 2003-cü ildə Ulu Öndər Atatürkün milli mübarizədən sonra Adanaya gəlişinin 80-ci ildönümündə ziyarətçilərin istifadəsinə verilib.
Atatürkün Adanaya gəlişi hər il martın 15-də bu binada rəsmi mərasimlə qeyd olunur.
Mənbə: Turkishmuseums.com
Tərcümə etdi: Arzu ibrəhimova
