Yataq otağının divarının rəngi yuxu keyfiyyətinə təsir edirmi?
Gündəlik həyatımızda bizi əhatə edən rənglər əhvalımıza və davranışımıza dərin təsir göstərir. Temperatur, səs, tərtibat, işıqlandırma və rənglər kimi müxtəlif ətraf mühit amilləri insanlarda olan qavrayış və emosional reaksiyalardan xəbərdar edə bilər. Buna görə də dizayn üçün uyğun rəngdən istifadə etmək vacibdir. Araşdırmalar göstərir ki, divarlardakı rənglər yuxuya təsir edə bilər.
Rənglərin təsiri.
Rənglərin əhval-ruhiyyəyə təsiri məlumdur. Buna görə də, yanlış rənglə əhatə olunmuş otaqda yatmaq potensial olaraq yuxu keyfiyyətinə təsir edə bilər. Yaxşı, sağlam yuxu üçün hansı rəngli otaqda yatmalıyıq?
Ümumiyyətlə, keyfiyyətli yuxu üçün faydalı ola biləcək rənglər mavi, yaşıl və sarı kimi rahatladıcı rənglərdir. Bir universitet yataqxanasında edilən araşdırmaya görə; Tələbələrin qaldığı otaqlarda rəngə üstünlük verilməsi, rəngin dərsə və əhval-ruhiyyəyə təsiri ilə qiymətləndirilib. Bu araşdırmanın nəticələrinə görə, sakit əhval-ruhiyyə ilə mavi otaqlara üstünlük vermək arasında əhəmiyyətli bir əlaqə tapıldı. Bəlkə də bu səbəbdən mavi rəng yataq otağının divarı üçün yaxşı seçim ola bilər. Yaşıl divarlı yataq otağı təbiəti oyandırdığı və insana rahatlıq bəxş etdiyi üçün üstünlük verilə biləcək rənglər arasındadır. Sarı yataq otağı həmişə yuxuya səbəb olmasa da, sarı yataq otağında olmaq müsbət mənaları sayəsində xoşbəxt yuxuya getməyinizə kömək edə bilər.
Bundan əlavə, yataq otağının divarları çox qaranlıq olmadığı müddətcə müəyyən torpaq tonlarına üstünlük verilə bilər. Digər seçimlərə bej, yumşaq ağ və gümüş daxildir.
Mənbə: bilimup
Tərcümə etdi: Nuray Mürsəlova
