Peruda arxeoloqlar 4000 il yaşı olduğunu düşündükləri məbədin və teatrın xarabalıqlarını aşkar ediblər.
Tapıntılar, 15-ci əsrdə İnka İmperiyası tərəfindən tikildiyi güman edilən ölkənin ən məşhur arxeoloji ərazisi olan qədim Maçu Pikçu qalasından təxminən 3500 il daha qədimdir!
Komanda iyun ayında yeni arxeoloji sahə olan La Otra Banda, Cerro Las Animas'ı tədqiq etməyə başladı. Təxminən 10 metr uzunluğunda və 10 metr enində ərazini qazan qrup, cəmi 2 metr dərinlikdə palçıq və gildən tikilmiş qədim divarların izlərini tapıb.
Bu çox qədim tikililərin müasir səthə nə qədər yaxın olması təəccüblü idi.
Ən maraqlı tapıntılardan biri səhnə arxası sahəsi və səhnəyə bənzər platformaya aparan pilləkəni olan kiçik bir teatr idi. Ola bilsin ki, bu, seçilmiş tamaşaçılar qarşısında ritual tamaşalar hazırlamaq üçün istifadə olunub.
Teatrın pilləkənlərindən birinin yaxınlığında mifoloji quşa bənzəyən məxluqun incə işlənmiş dizaynı olan palçıq panelləri var idi. Bu rəqəm eramızdan əvvəl 2000-900-cü illər arasında olan İlk Dövrə aid mifoloji varlıqların digər təsvirlərinə bənzəyirdi ki, bu da məbədin nə vaxt tikildiyinə dair ipucu verir.
Tədqiqatçılar bildirirlər ki, bunlar İnkadan əvvəlki Moche və Nazca mədəniyyətlərindən əvvəldir.
Mənbə: Evrimagaciofficial
Tərcümə etdi: Günay Məmmədova
