Uşaqlar valideynlərindən çox şey öyrənirlər. Onlara sağlam bir mənliyə sahib olmağı, düzgün qidalanmağı və bədənlərini sevməyi öyrətmək vacibdir.
Uşaqların yanında söhbətlərinə diqqət yetirmək:
Uşağınızın yanında hər hansı bir şey haqqında danışarkən diqqətli olun. Unutmayın ki, valideynlər övladlarının rəhbərləridirlər.
Neqativ olmamaq:
Özünüz haqqında dediyiniz hər bir mənfi şərh uşaqlarınıza təsir edir. Bunun üçün nə olursa, olsun, pis fikirlərdən və şərhlərdən çəkinin.
Uşaqların hisslərini ifadə etməsi üçün təhlükəsiz yer yaratmaq:
Övladlarınızın sizinlə ünsiyyət qurarkən özlərini təhlükəsiz hiss etmələri vacibdir. Bu səbəbdən onlarla tez-tez və açıq ünsiyyətdə olmaq uşaqları rahatlaşdırır.
Ailə ilə vaxt keçirmək:
Uşaqlar ətraf mühitin məhsuludur. Uşaqlarınızı müntəzəm olaraq əyləncəli və sağlam ailə fəaliyyətlərinə cəlb etdiyiniz zaman onlara sağlam vərdişlər öyrədirsiniz.
Uşaqları idmana cəlb etmək:
Uşaqlar idman və digər fiziki fəaliyyətlər vasitəsilə özünə hörmət qazanırlar. Uşağınıza müsbət bədən imici aşılamaq istəyirsinizsə, onu idmanla məşğul olmağa təşviq edin.
Mənbə: ntv.com.tr
Tərcümə etdi: Rəfiqə Rəhimli
