A vitamini bədənin sağlam işləməsi üçün vacib bir qidadır. Göz sağlamlığından immunitet sisteminə, dəri sağlamlığından hüceyrə böyüməsinə qədər bir çox vacib funksiyalarda rol oynayır.
A vitamini çatışmazlığı orqanizmdə müxtəlif sağlamlıq problemləri yaradır ki, bu da ciddi xəstəliklərə səbəb olur.
A vitamini çatışmazlığı nədir?
A vitamini çatışmazlığı orqanizmin kifayət qədər A vitamini ala bilmədiyi zaman yaranan sağlamlıq problemidir. Qidalanma, bağırsaq problemləri və ya udma problemləri kimi səbəblərdən yaranır.
A vitamini iki formada mövcuddur, xüsusən retinoidlər və karotenoidlər. Bu formalar orqanizmdə müxtəlif bioloji funksiyaları yerinə yetirir.
Retinoidlər heyvan qidalarında, karotenoidlər isə bitki mənşəli qidalarda olur.
A vitamini çatışmazlığının simptomları tez-tez göz ilə əlaqəli problemlərlə başlayır. Ən çox görülən simptomlara gecə korluğu, quru gözlər və buynuz qişanın zədələnməsi daxildir.
Gecə korluğu az işıqlı şəraitdə görmə qabiliyyətinin azalmasıdır və A vitamini çatışmazlığının erkən əlamətidir. Sonrakı mərhələlərdə quru gözlər və buynuz qişada yaralar kimi ciddi göz problemləri yaranır.
Bundan əlavə dəri quruluğu, saç tökülməsi, immunitet sisteminin zəifləməsi və böyümənin geriləməsi kimi əlamətlər də A vitamini çatışmazlığının göstəricisidir.
Uşaqlarda böyümə və inkişaf problemləri, tez-tez infeksiyalar və ümumi zəiflik də simptomlardır.
A vitamini çatışmazlığında hansı xəstəliklər müşahidə olunur?
A vitamini çatışmazlığı immunitet sistemini zəiflədir və bədənin infeksiyalara qarşı müqavimətini azaldır.
Uşaqlarda böyümənin geriləməsi, ishal və tənəffüs yolu infeksiyaları kimi problemlər tez-tez rast gəlinir.
Bundan əlavə, dəri problemləri, tənəffüs yolu infeksiyaları və reproduktiv sağlamlıq problemləri də A vitamini çatışmazlığı ilə əlaqələndirilir.
A vitamini çatışmazlığı zamanı nə yemək lazımdır?
A vitamini çatışmazlığının qarşısını almaq və müalicə etmək üçün A vitamini ilə zəngin qidalardan istifadə etmək vacibdir.
A vitamini qaraciyərdə, balıq yağında, yumurta sarısında və süd məhsullarında boldur.
Bitki mənşəli A vitamini yerkökü, ispanaq, şirin kartof, balqabaq və ərik kimi tərəvəz və meyvələrdə olur. Bu qidaların müntəzəm istifadəsi A vitamini səviyyəsini qorumağa kömək edir.
Pəhrizinizə A vitamininin udulmasını artıran sağlam yağlar əlavə etmək də vacibdir.
Zeytun yağı, avokado və qoz kimi yağlı qidalar A vitamininin bədəndə daha yaxşı mənimsənilməsini təmin edir.
Mənbə: Medicalpark
Tərcümə etdi: Nuray Mürsəlova
