Ay işığı altında Türkiyənin Aralıq dənizi sahillərində tısbağa balaları qumdan çıxaraq dənizə doğru tələsirlər. Alimlərin fikrincə, onlar getdikcə daha çox iqlim dəyişikliyinin təsiri altına düşən qədim bir təbii dövrün bir hissəsidir.
24media.az Reuters-ə istinadən xəbər verir ki, gecə boyunca dəniz tısbağaları üzrə bioloq Yakup Kaska və onun könüllülərdən ibarət komandası yuvalardakı fəallığı izləyirlər. Piramida formalı qəfəslər quma basdırılmış yumurtaları, gündüzlər turist çimərliyi, gecələr isə tısbağaların qorunması üçün sığınacaq olan 4 kilometrlik İztuzu sahilində dolaşan tülkülərdən qoruyur.
Aralıq dənizi boyunca sahillərdə yuva quran "loggerhead" (başlı tısbağa) növü, gələn ay Türkiyənin ev sahibliyi edəcəyi BMT-nin illik iqlim sammiti – COP31-in rəmzi seçilib. Antalyada keçiriləcək bu tədbirdə dəniz mühitinin qorunması əsas mövzulardan biri olacaq.
Tədqiqatçılar bildirirlər ki, tısbağalar iqlim dəyişikliyinin Aralıq dənizindəki ekosistemləri necə dəyişdirdiyini əyani şəkildə göstərir. Belə ki, bu region 1980-ci illərin əvvəllərindən bəri davamlı istiləşmə prosesi ilə üz-üzədir.
Aygül Alıyeva
