Keçmişdən günümüzə adət-ənənə sayılan və sağlamlıq üçün də faydalı olduğu bilinən xına, ötən illərdə evlənən cütlükləri bəd-nəzər və şərdən qorumaq üçün xüsusi gecələrdə yandırılırdı.
Buna uyğun olaraq bu adət-ənənənin hələ də davam etdiyini söyləmək olar, lakin bu gün xına müxtəlif sağlamlıq məqsədləri üçün də istifadə olunur. Fiziki təsirləri və kosmetik məqsədləri üçün istifadə edilən xına da istifadə zamanı diqqət tələb edən bir material kimi qəbul edilməlidir.
Mədəniyyət çərçivəsində xüsusi günlərdə və gecələrdə üstünlük verilən bir maddə olsa da, xına tərkibinə görə gündəlik həyatda istifadə edə biləcəyiniz təbii bir məhsuldur. Xınadan, xüsusilə, dəri sağlamlığı üçün istifadə edə bilərsiniz.
Keçmişdə bəzək məqsədləri üçün istifadə edilən, türk və İslam adət-ənənələrində ərə gedən qızların xına gecələrinin mövzusuna çevrilən xına, boyadığı toxumaya qırmızı rəng verməsi ilə məşhurdur. Ticarətdə mövcud olan xına iki müxtəlif növdə gəlir: tünd və yaşıl. Yaşıl xına təmiz xına deyil və başqa bir boya ilə rənglənmiş bir məhsul kimi bilinir.
Tünd xına kimi də tanınan təmiz xına yaşıl xınadan daha tünd rəngli xına növüdür. Bu xına orijinal xına kimi qəbul edilir. Orijinal xına narıncıya çevrilən qırmızımtıl rəngə malikdir. Başda saç və dəriyə qulluq olmaqla bir çox məqsədlər üçün istifadə olunur. Toz şəklində satılan xınadan istifadə etmək üçün onu su ilə qarışdırmaq lazımdır. Su ilə qarışdıqda məhlul olur. Yeməli olmayan və buna görə də faydaları ümumiyyətlə dəri, saç və dırnaqlarda hiss edilən xına dərman məqsədləri üçün də istifadə edilmişdir.
Xına faydaları dəridə müxtəlif yollarla özünü göstərir. Xına onu faydalı edən bəzi vacib xüsusiyyətlərə malikdir.
Uzun illərdir, dəri xəstəliklərinin müalicəsində istifadə edilən xına tərkibindəki maddələr səbəbiylə dəri zədələrinin qarşısını almağa və sağaltmağa kömək edə bilər. Xüsusilə, dəri baryerinin zədələndiyi və buna görə də dəri baryerinin daha incə və daha həssas olduğu hallarda meydana gələn qabığın qarşısını ala bilər. Dəri hüceyrələrinin sağlamlığını qorumaq üçün də üstünlük verilən materialdır.
Tarixin ən qədim dövrlərindən bəri xına saç rəngini dəyişdirmək və təbii qulluq üsulundan istifadə etmək istəyən qadınlar tərəfindən istifadə edilmişdir. Bu gün həm kişilərin, həm də qadınların üstünlük verdiyi material hesab edilən xına saç tökülməsinə qarşı təbii bir şəfa mənbəyidir. Ümumi saç sağlamlığı üçün də çox faydalıdır. Müntəzəm olaraq istifadə olunarsa, saçın parçalanmış ucları kimi laqeyd bir görünüşə səbəb ola biləcək problemləri aradan qaldırmağa kömək edə bilər. Yanlış qulluq, yüksək istiliklə saç düzümü və ya kimyəvi məhsullarla saç rənginin dəyişdirilməsi kimi amillər saçın sağlam vəziyyətini itirməsinə səbəb ola bilər. Xınanın tərkibindəki pH balansı sayəsində saçlarınızın itirdiyi nəmi geri almasına kömək edir və beləliklə quruluq səbəbiylə meydana gələ biləcək narahatedici görünüşü aradan qaldırmağa kömək edir. Bununla belə, saç üçün xına istifadə etmək onu kəpəyə qarşı da təsirli edir. Buna görə də saç üçün ən vacib məhsullardan biri olduğunu söyləmək olar.
Mənbə: medicalpark
Tərcümə etdi: Nuray Mürsəlova
