Yunanlar ətraf aləmi izah etmək üçün Afina, Ares, Hades, Poseidon və Hera kimi tanrılar yaratmışlar. Təbiət hadisələrini izah etmək, hakim sinfi gücləndirmək və kütlələri əyləndirmək üçün tanrılara arxalanırdılar. Əksər şəhər dövlətlərində hörmət etdikləri ən azı bir tanrı var idi. Onlar məbədlər tikməklə, şənliklərdə iştirak etməklə, idman yarışlarında iştirak etməklə və qurbanlar verməklə bu tanrıya ibadət edərdilər.
Yunanıstanın ən hündür dağı olan Olimp dağında 12 yunan tanrısı var. Yunan tanrılarının əsl lideri ildırım vurması ilə tanınan Zevsdir. Müxtəlif tanrılar məhəbbət, müharibə, ov, məhsul və axirət dünyası kimi yeraltı dünyasının müxtəlif aspektlərini idarə edirdi. Yunanların tanrıların izah etmək üçün istifadə etdikləri təbiət hadisələrindən biri də yaradılış idi. Digəri böyük daşqın hekayəsi idi.
Yunan tanrıları bir çox xüsusiyyətlərinə görə insanlara bənzəyirdi. Onlar qəzəb, şəhvət, qısqanclıq, sevgi, ehtiras və şəfqət kimi insani duyğularla özünü ifadə edirdilər. Tanrılarla insanlar arasındakı əsas fərq, tanrıların ölməz və güclü olması idi. Tanrıların hekayələri ailə üzvləri və hekayəçilər vasitəsilə şifahi şəkildə ötürülür və o qədər əyləncəlidir ki, hələ də populyar mədəniyyətdə istifadə olunur.
Mənbə: 411answers
Tərcümə etdi: Aysel Qasımova
