Poun “vahid effekt” konsepsiyası qısa hekayələrə aiddir və əsasən bildirir ki, hekayənin hər bir elementi hekayənin vahid emosional təsirinə töhfə verməlidir. O, qısa hekayənin banisi idi və nəticədə, janrın kanonuna çevrildi.
PoeMuseum.org izah edir ki, Po qısa hekayənin tək təsirinə töhfə verən bir sıra fərqli meyarlara malik idi. O hesab edirdi ki, qısa hekayələr bir oturuşda oxunmalıdır. Bu, tez-tez hekayəni tərk etmək və qayıtdıqdan sonra hekayədə olmaq hissini bərpa etmək əvəzinə, oxucuya hekayənin tam təsirini bir anda yaşamağa imkan verməklə hekayənin təsirini artırır. Onun hekayələri hekayəni bir araya gətirən birləşdirici duyğuya meyl edirdi. Poun təsiri demək olar ki, həmişə dəhşət olsa da, başqa təsirlər də mümkündür. Po həm də hesab edirdi ki, hekayənin ilk cümləsində belə, hekayənin təsiri açıq və oxucu tərəfindən hiss olunmalıdır. Nəhayət, Po insan davranışında həqiqəti hədəflədi. O, tez-tez qəribə və qeyri-mümkün görünən, reallıqla az əlaqəsi olan hadisələr haqqında yazırdı, lakin o, insanların bu hadisələrə reaksiyalarının insanların necə reaksiya verəcəyini əks etdirməli olduğuna inanırdı.
Tərcümə etdi: Zəhra Niftiyeva
Mənbə: 411answers.com
