Almaniyanın cənubundakı Vogelherd mağarasında tapılan bu 35.000 illik mamont dişi heykəlcik Yuxarı Paleolit dövründə hazırlanıb. Vogelherd anatomik cəhətdən müasir insanlar (Homo sapiens) tərəfindən hazırlanmış ən qədim bilinən atın oyması hesab olunur. Təxminən 32.000-35.000 il əvvəl yaradılmış Vogelherd atı erkən Üst Paleolit dövrünə aiddir. Mamont dişindən oyulmuş bu heykəlcik təxminən 2,5 sm hündürlüyündə və 4,8 sm uzunluğundadır. Xurma ölçüsündə iş; buraya ağız, burun dəlikləri, gözlər və yal kimi detallar daxildir.
Heykəlin başı salamat qalsa da, dörd ayağı da sınıb. Bradshaw Fonduna görə, arxeoloqlar heykəlin bir ayğır təsvir edildiyini düşünür və "bu, madyanı heyran etməyə çalışan ayğır, yoxsa yırtıcıya qarşı arxaya təpik atan atı" müzakirə edirlər.
Vogelherd Atı bizə keçmiş haqqında nə deyir?
Heykəlin aşkar edildiyi mağara 43.000-35.000 il əvvəl yaşamış Üst Paleolit qrupu olan Aurignacians'ın toplaşdığı yer idi. Fransa Mədəniyyət Nazirliyinin məlumatına görə, Avropanın bu hissəsində Aurignacians və Neandertalların mövcudluğunda qısaca üst-üstə düşmə, iki qrupun, ehtimal ki, bir yerdə mövcud olduğunu göstərir.
Aurignacian mədəniyyətinin insanları kəsici və uclu daş alətlər hazırlamaq bacarıqları ilə tanınan məşhur ovçu-toplayıcılar idi. Mağarada yüzlərlə bu alətlər, həmçinin çoxlu heyvan sümükləri və fil sümüyü parçaları, o cümlədən oxra ilə qırmızı rəngə boyanmış muncuqlar tapılıb.
Paleoantropologiya Cəmiyyətinin məlumatına görə, qrup çox güman ki, mağaradan ət emal etmək üçün istifadə edib. Məsələn, Vogelherd mağarasında təxminən 32.000 illik heyvan sümüklərini təhlil edən tədqiqatçılar ilk növbədə şimal maralı (Rangifer tarandus) və at (Equus ferus) qalıqlarını tapdılar. Bu onu deməyə əsas verir ki, Aurignacian xalqı bu heyvanları təkcə ovlayıb yeməklə kifayətlənməyib, həm də onları təsvir edən rəsm əsərləri yaratmışlar.
Mənbə: Arkeofili
Tərcümə etdi: Fatimə Şükürova
