Məbəd Perqamon Akropolunun ən yüksək nöqtəsində yerləşir. Məbədin tikintisinə imperator Trayanın dövründə başlanılıb və eramızın 125-ci ildə Hadrian tərəfindən tamamlanıb. İmperator Hadrian mərhum imperator Trayanın külünü Romaya aparanda onun üçün mərasimlər keçirərək onu və özünü ilahiləşdirdi.
125-ci ildə Perqama qayıdanda məbədi tamamlayıb və burada iki imperatora sitayiş edilməsini təmin edib. Məbədin içərisində olan və hazırda Berlin muzeyində nümayiş etdirilən iri ölçülü mərmər heykəllərin başları bu iki imperatora məxsusdur. Məbəd sonralar Akropolun ən hündür nöqtəsində tikilmiş terrasda tikilib. Mərmərdən tikilmiş məbəd Korinf qaydasında, 6 x 9 sütunlu, peripteral planlı, eksenel formada, tağlardan və tağlardan istifadə edilməklə inşa edilib. Məbədin üç tərəfi stoalarla əhatə olunub.
Mənbə: Antikdunyalar
Tərcümə: Türkan Kərimli
