Siqaret çəkmək bütün dünyada əsas sağlamlıq problemidir. Tüstüsü tərkibindəki minlərlə kimyəvi maddəyə görə sağlamlığa zərərlidir. Bu kimyəvi maddələrin çoxu kanserogen xüsusiyyətlərə malikdir və uzun müddətdə ciddi sağlamlıq problemlərinə səbəb ola bilər. Siqaretin zərərləri arasında ağciyər xərçəngi, ürək xəstəlikləri, insult, xroniki obstruktiv ağciyər xəstəliyi (KOAH) və bir çox başqa xəstəliklər var.
Siqaret çəkmək təkcə siqaret çəkənin deyil, ətrafdakıların da sağlamlığına mənfi təsir göstərir. Pasif siqaret kimi tanınan siqaret tüstüsünün təsirinə məruz qalan insanlar da sağlamlıq riski altındadırlar. Xüsusilə uşaqlar, hamilə qadınlar və xroniki xəstəlikləri olan şəxslər siqaret tüstüsünün zərərli təsirlərindən daha çox təsirlənirlər.
Siqareti tərgitməyin bir çox yolu var. Bunlara nikotin əvəzedici müalicələr, dərman müalicəsi, terapiya və dəstək qrupları daxildir. Siqareti tərgitmək sağlamlığınıza dərhal müsbət təsir göstərir. Qısa müddətdə öskürək, nəfəs darlığı kimi şikayətlər azalarkən, uzun müddətdə ağciyər xərçəngi, ürək xəstəlikləri kimi ciddi problemlərin riski də azalır. Siqareti atmaq üçün dəstək almaq vacibdir. Səhiyyə müəssisələri və qeyri-hökumət təşkilatları siqareti tərgitmək istəyənlərə dəstək xidmətləri təklif edirlər. Bu xidmətlərdən istifadə etməklə siqareti atmaq daha asan ola bilər.
Mənbə: saglik.gov.tr
Tərcümə etdi: Rəvan Məmmədov
