Günəşin neçə peyki var?
Günəş ətrafında fırlanan ondan çox süni peyk var. Günəş ətrafında fırlanan təbii peyklərə planetlər, cırtdan planetlər, asteroidlər və kometlər daxildir. Günəş ətrafında fırlanan səkkiz planet var və 2015-ci ilin yanvar ayına olan məlumata görə, altı cırtdan planet və demək olar ki, 700.000 komet və asteroid aşkar edilib. Peyk, başqa bir obyektin ətrafında orbitdə olan hər hansı bir cisim kimi müəyyən edilir. Günəş ətrafında fırlanan bir cismin "heliosentrik" orbitdə olduğu deyilir. Günəş ətrafında fırlanan təbii obyektlərə səkkiz planet (Merkuri, Venera, Yer, Mars, Yupiter, Saturn, Uran, Neptun), cırtdan planetlər (Pluton və Ceres daxil olmaqla), kometlər və asteroidlər daxildir. Asteroidlər ümumiyyətlə Mars və Yupiter arasındakı asteroid qurşağında olur. Kuiper qurşağında günəş ətrafında daha minlərlə göy cismi fırlanır və kometlərin Oort buludundan yarandığı güman edilir. Dünyanın hər yerindən kosmos agentlikləri günəşi və kometlər kimi göy cisimlərini öyrənmək üçün kosmosa peyklər göndəriblər. Luna 1 kimi təsadüfən heliosentrik orbitə daxil olan çoxlu tərk edilmiş peyklər və peyklər də var.
Mənbə:411answers.com
Tərcümə etdi: Zəhra Niftiyeva
