Kapıkırı kəndi — Türkiyənin cənub-qərbində, Muğla vilayətinin Milas rayonunda yerləşən kənd. Özünəməxsus təbiət gözəllikləri, tarixi zənginlikləri və mistik ab-havası ilə seçilən bu kənd ziyarətçilərinə unudulmaz təcrübə təqdim edir.
Tarixi sərvətlər:
Kapıkırı kəndinin min illik tarixi var. Ellinistik və Roma dövrlərinə aid qədim xarabalıqlarla dolu kənd tarix həvəskarları üçün cənnətdir. Qədim şəhər xarabalıqları, qaya qəbirlər və məbədlər keçmişin izlərini izləmək istəyənləri valeh edir.
Təbii gözəlliklər:
Kənd Muğlanın bənzərsiz təbiətinin bir parçasıdır. Dağların ətəyində yerləşən Kapıkırı yamyaşıl vadilərlə əhatə olunub. Təbiətdə gəzintilər etmək, təmiz havadan həzz almaq və təbiətin səssizliyində dinclik tapmaq istəyənlər üçün mükəmməl seçimdir.
Yerli delikateslər:
Kapıkırı həm də yerli mətbəxi ilə məşhurdur. Yerli restoranlarda dada biləcəyiniz ləzzətlərə təzə dəniz məhsulları, üzvi tərəvəzlər və yerli pendirlər daxildir. Kənd bazarlarında əl istehsalı suvenirlər və yerli məhsullar da tapa bilərsiniz.
Mədəni atmosfer:
Kapıkırı kəndi öz yerli mədəniyyətini qoruyub saxlayan bir mərkəzdir. Burada yaşayan insanların mehriban qonaqpərvərliyi və ənənəvi həyat tərzi ziyarətçilərə orijinal təcrübə təqdim edir. Kənddə keçirilən festival və tədbirlər də kəndin mədəni ab-havasını kəşf etmək üçün gözəl fürsətdir. Kapıkırı kəndi tarix və təbiətin qucaqlaşdığı sakit və dinc bir qaçış istəyənlər üçün mükəmməl seçimdir. Muğlanın tarixi və təbii gözəlliklərini kəşf etmək istəyirsinizsə Kapıkırını siyahınıza əlavə etməyi unutmayın. Burada keçirəcəyiniz vaxt sizə unudulmaz xatirələrlə dolu səyahət təcrübəsi təqdim edəcək.
Mənbə: Cümhuriyet
Tərcümə etdi: Fatimə Şükürova
